阿仔有耳虱

今個星期初發現LATTE耳仔有啲異味, 檢查之後原來勁污糟!! 滿哂啡色既穢物同"漬", 初時以為耐無清潔, 就咁買左洗耳水幫佢抹, 但第日又係好污糟! 仲要佢自己抓到紅哂損哂!! 又擔心又心痛!

四圍咨詢意見後, 覺得有耳虱機會好大, 所以即刻買殺耳虱水幫佢滴, 滴左兩日情況好左, 無再咁"污糟"喇! 希望阿仔快啲好返!

貓真係唔識死, 早幾日阿媽掠完衫未閂窗, 轉頭LATTE就跳左在窗框邊危坐!!! 嚇到我癲哂, 即刻靜雞雞在佢後面一手抱返佢埋黎, 然後當然鬧左佢一大餐啦!

真係睇少陣都唔得!!