有時人會隨時間而轉變，可能情況變得更好，但亦可能係情況變得更差，而我肯定是更壞嘅一個。
由於經常都處於自己一個人在家，當我遇到最大嘅天敵，我都要鼓起最大嘅勇氣消滅佢，幸好依家唔似小朋友時代，只有大品種，而係多咗好多小品種，始終細細只，一只手指都可以捽屎佢。
不過咪以為夠胆捽屎細，大嘅就會減低驚嚇情度 .................
事情係咁嘅 ...........
10月26號零晨，因為有啲頭痛，本來打算早啲瞓，點知準備當中，KaKa突然怪叫，我知死喇，又唔知發現咩鬼 ..........
嘩！好驚呀！係我至怕嘅天敵呀！
就係因為我太驚，失儀兼失控
，竟然嚇到連新房客都驚埋一份，
睇下成只鬆起哂喎！
當天敵亂飛一通後
，曾幾何時係地下行過(其實呢個係最好解決時候)，但我猶豫咗一陣，大失良機，俾佢逃之夭夭，走咗去TV後面！
............ 我唔知等咗幾耐，KaKa又唔知駐守咗個牆角幾耐，我決定放棄瞓覺去也，但我知KaKa無放棄。
正因如此，咁心驚胆跳情況下，又點會瞓得著 ........ 又唔知過咗幾耐，竟然 ........
嘩！救命呀！
KaKa竟然趕咗天敵入房，仲飛到枕頭邊，連瞓係我隔離嘅Sam仔都嚇到鷄飛狗走，更驚嚇兼嘔心，天敵留低咗只肥大嘅腳係Sam仔瞓覺嘅咕o臣上，咁即係我嘅枕頭邊呀！
一個咁嘅環境狀況，我仲點敢入房，所以當晚我"哩"咗入細房跟新房客渡過一夜；雖然個晚基本上我都係等天光，不過好彩有阿Be陪我，原來呢個小男孩嗲功一流，令我驚嚇指數也減輕不少。還有要特別一提，我家兩小傻好有靈性，如果平時我"哩"入房，必定大吵大閙，而當晚無之外，更因為房門大開，我亦恐怕Sam仔又百厭，不過結果又無喎！
但事情還沒完，第二朝竟然無屍體發現，咁今晚又點算好？
10月26號朝早，約咗屋企人入嚟我呢邊飲茶，原意係為咗探吓新房客，而結果當然順導幫我摷吓天敵啦！
遍尋不獲，唯有相信哥哥嘅美言﹕『天敵走咗架喇！如果仲驚，咪抹多一次屋，佢地至唔鍾意乾淨嘅地方。』
查實前一日我已抹了一次屋，實在從未試過要連抹兩日；不過好慶幸我真係有抹多一次 .....
當大家走哂，我就又開始我嘅清潔行動，正當抹到週圍都是濃濃嘅消毒藥水味，去到床腳尾之際 ........
嘩！天啊！唛咁玩我呀？
係惶恐情況下，即急call哥哥嚟幫手，無奈哥哥已歸家，佢自己亦有事做緊，不過還是答應我遲點來。
但我又總不能呆立於此，與此同時KaKa亦發現佢嘅小玩意，於是我地前後包抄，KaKa守床腳尾，我就守厠所門，KaKa一趕天敵出廳，我就用盡我最大嘅勇氣及力量，盡地一打！
YES，攪掂！仲身首異處添！
驚嚇15小時終於完結，而我到底有咩得著？
原來自己至怕嘅嘢，亦隨著年紀增長，更甚本來覺得雨牛の家係相當寬敞，但當晚感覺細得很啊！
不過較欣慰，是兩小傻嘅行為，雖然係
KaKa趕天敵入房，不過佢最後都將功補過，而Sam仔亦沒有增添麻煩。
至於新房客，唔知係咪大家共渡一夜，感情增進不少。
當然更加感激哥哥、姪仔幫忙，雖然遍尋不獲，不過係好認真去找，只係就算斷咗兩只腳，但天敵仲曉行架嘛！
而呢15小時，係好辛苦，係好驚嚇，不過就係咁，攪到我又嘔、又呵，體重急降，總算係意外收獲！
(但絕不祈望有下次！！！)
至於兩小傻，大戰過後亦是攰得很，兩個瞓到成只死豬款！
見到一篇咁長嘅blog，希望無嚇怕到你， 不過若果你能夠睇哂，就真係非常感激啊！Thank you so much!
國正 2009-11-03 06:25
..................................................................................................岡田珊珊 2009-11-01 17:57
嘩哈哈、我諗你真係好驚喎、唔係點會寫咁大篇 Blog、好彩總算安心哂～
你嘅天敵係小強、小強嘅天敵係我、我嘅天敵係老鼠、而李家就有三隻鼠、係咪想同我作對？！不過呢三隻鼠我都好鍾意嘅～
雨牛貓2009-11-02 23:45
個晚我真係好鬼驚架！當時我都有諗起妳，心諗如果有妳係到就好啦！
不過妳都唔知我幾鬼慘，第二日返工，正當我一邊食早餐、一邊check e-貓，點知keyboard上面突然有只反肚小強，嘩！真係差啲連早餐都噴埋出嚟！
雖然只小強唔算大，但啱啱被嚇餐飽，實在受不了，好彩隔離嘅EE小姐唔驚，幫我攪掂咗！
不過真係好邪，再第二日枱面又有。
唉！都唔知唛解救，近排公司多咗好多小強，貼哂威滅都唔掂呀！
chb 2009-11-01 15:24