祝君安好！

去開將軍澳，

就順道探吓好耐無見嘅姨甥仔女。

雪糕健康好好，

仲係好似個大小姐，手搭手幾 lady！

冬甩就似乎肥咗少少，而警覺性仍然咁強！

如果話我 SAM仔肥、懶，睇怕 MILKSHAKE 比佢更強，

呢個 lone 都就快"失"佢唔入囉！

MILKSHAKE 睇完一大爛餐dr.，家陣就輪到布冧，

暫時未確定咩事，只知佢依家瘦咗好多，真係令人擔心！

照正常情形，佢地四個應該最大份係布冧(男貓仔)，

不過依家竟然全屋最大隻係 MILKSHAKE(女貓仔)，

可想而知布冧真係瘦咗好多啊！

雖然我唔知係咪所有來路貓，都係咁多病痛，

(冬甩係睇得最少dr.個嗰啊！)

不過睇見佢地輪流咁睇dr.，除咗荷包大出血，心靈上都勁難頂，

  總之，希望佢地要爭爭氣氣，要活得健康快樂啊！