網誌分類：尊重生命 |
圖片
網誌日期：2009-10-10 19:57
蘋果日報 8.10.2009
女狗癡非法聘印傭判社服令
庭外呼籲各界繼續援助狗場
【本報訊】流浮山流浪狗場女場主，為省開支，違例聘用印尼籍家傭到狗場幫手，終被舉報。她早前在沙田裁判法院承認一項協助教唆違反逗留條件罪。裁判官彭中屏昨指，被告雖贏得愛護動物人士的讚賞，但她以低薪聘用外傭做合約以外的工作，除剝削他們的權益，亦打擊本地勞工的就業機會，考慮被告真心悔疚，非為個人利益犯案，輕判她社會服務令 180小時。
真係荒天下之大謬，呢位女士用盡自己所有時間去服侍流浪狗，沒有事業，相信朋友也敬而遠之，感情生活更加唔駛講，最後卻因為犯左法，而要判社會服務令 180個鐘。
荒謬既係，呢位小姐正是日日都做緊社會服務令!!!!!!!!!! 政府既動物福利做得唔好佢去補足，人人都只愛自己既寵物, 或者當動物係nothing, 甚至拎d貓狗來虐待既時候，佢卻係放棄自己既一切走上呢條不歸路，社會又點樣去回報佢呢?
假設佢一日在狗場服務8小時, 又當佢只係做左一年丫(事實一定唔只呢個數)，365日x8小時=2920小時....我覺得法庭應該扣除佢被判既180個鐘，賠返2920-180=2740x50蚊一個鐘既時薪俾佢囉!!!!!!!!!!!!!!!!! 再唔係唔該判d犯左法既人入來做社會服務令幫下佢手囉!!!!!!!!!!!!!!!!真係荒謬呀。最後而家做成三輸既局面，呢位女士要在已經好艱苦經營既情況下用高好多好多既人工來請本地人；想來香港打工既印傭又無左分工；d小狗分分鐘仲可能因為狗場頂唔順執笠而全部被人道毀滅.....
曾經有報導話香港有成120幾多呢d由民間甚至只係一個市民run緊既流浪狗場，各狗場主人都背負著一個奉獻自己的使命，過著非一般的生活；狗場內的每一個生命又是一個一個悲慘的故事......也許有人覺得佢地係自己攞黎衰，但在我既眼中，他們都是英雄，做緊一d我都好想做，但又唔敢去做，無勇氣去承擔既事。
祝福你們，支持你們!
