好痕痕既濕疹呀!

承承b, 媽咪見到你咁真係好肉赤!

bb既濕疹比我想像中嚴重! 一到冬天, 皮膚無好過. 面仔好返少少, 到大脾, 手仔, 頸, 又紅又腫, 有時仲甩哂皮!

而家, 開始蔓延到頭仔! 成日見到個頭好乾, 好紅, 脫皮, 而家仲出埋瘡仔! 唔知係咪同打左預防針有關...

尤其是最近幾晚, 承承好痕, 訓得唔好, 成日醒!

承承b真係好乖仔, 咁痕都無自己R, 又無喊, 只係見佢不停頭擰擰, 但見佢晚晚都訓得唔好, 佢一定痕得好緊要!

濕疹幾時先可以遠離承承B呢?

其實濕疹最慘就係遇著乾燥天氣! 我已經長開空氣淨化機 + 加濕機, 都無用!  依幾日天氣潮濕返d, 再加上每晚訓覺在bb床附近加條濕既大毛巾, 好似有d幫助!

今日帶BB再見醫生, 睇有咩辦法令承承B舒服D! 希望幫到佢啦....

因為媽咪要返工, 叫左婆婆同工人帶bb去睇醫生, 但就寫定哂d資料先, 驚婆婆唔記得:

問題:   

l         濕疹, 頭皮非常乾, 有脫皮及出瘡仔, 晚上太痕睡不著 (頭瘡這幾天才出現, 脫皮就出現了一段時間)

l         上星期皮膚亦很厚很乾, 每日勤力全身搽cetaphil後有好轉 (約每日6-8次).

l         皺摺位仍然很紅, 尤其是頸位及手拗 / 腳拗位. 經常發現那個位會濕濕地 (不知是傷口出水? 還是汗?) 現在每日搽醫生處方類固醇兩次至好返為止

l         上星期五打肺鏈 + 6合1不知是否有關

日常護理

l         沖涼: 之前用cetaphil但不夠潤, 最近轉用 “愛麗她” 浸浴, 感覺皮膚沒以前的厚

l         洗頭: 因為頭皮太乾最近改為3天洗頭一次, 平日用濕毛巾抺頭皮.  平日太乾脫皮會用baby oil + 水幫bb按摩頭皮

l         cream: cetaphil moisturing cream 抹全身 

l         皺摺位帶紅腫位置, 每日早晚搽一層醫生處方類固醇

飲食

l         明治, 每日5-6次, 每次200ml

l         未開始餵輔助食品

l         不喜歡飲水.

其他:

l         11月25日少少咳嗽加輕微腹瀉睇醫生, 食左幾日咳水 + 醫生開既益生菌(開水飲), 期間奶粉份量減半直至大便正常為止

睇完醫生再update一下情況!

******************

自從上星期發覺承承B濕疹嚴重左之後, 我做左好多research, 差不多所有為濕疹b而設既皮膚護理用品都試齊.

好彩, 經過我幾日篤促工人不停幫bb搽搽搽, 佢既皮膚已經好左好多, 而家係差個頭, 同埋條頸...

睇下, 要用既都用過...

希望今次見醫生真係幫到承承, 遲d要寫返個bb濕疹護理大全, 幫下其他濕疹bb....