星期三之友-bbq@小欖~~~

星期三之友好似好耐冇活動啦，今次就安排左去bbq，其實可以去游水架不過係我衰上星期三曬傷左個膊頭攪到大家都冇得去tim，唔好意思呀各位~我都係第一次帶弘傲去bbq，初初都擔心危險既問題，但有咁多人睇住應該可以既，2點鐘接埋meow ma一家就出發啦，由於部貨van賣左既關係要你地坐逼d仲要嘈d同"登"d啦，下次應該會有架舒服d既車架啦!今日既天氣真係好熱未燒野食已經好熱我都出哂汗啦，正式係室外焗桑拿呀~我地去到亞ling一家已經到左啦，入去搵個靚位坐低就開始lu，真係好彩今日班bb都幾乖冇攪攪震，弘傲比我想像中已經好好多啦，meow chu呢今日做左包后係咁食包，最尾仲食到嘔tim haha!而幸諭好叻女呀識講好多野不過就真係多得滯!傾下食下kk同妹妹都到啦，仲要帶埋架thomas車車黎tim，呢個時候班小朋友又有新玩具玩啦，個個都鐘意玩，各位爸爸要諗下買返架啦!最後燒到7點到就走啦，我地就要入元朗換車之後就返鋪頭餵狗執野，成9點先返到屋企沖涼，之後我地仲有下場就係約埋raymond睇變形金剛啦，真係好好睇，柯柏文好型呀~

3位bb排排坐咁影相~

好熱既弘傲飲水解暑中~

妹妹架車車個個都好鐘意呀，由其事幸諭坐左落去仲唔肯起身tim~之後比幸諭推弘傲佢又ok wor!

弘傲同meow chu好似越大越唔似樣，細個個時真係好似架!睇下meow chu包不離手呀~

妹妹坐上去，弘傲就圍住妹妹轉，仲要係到笑~

弘傲好勉強既笑容真係要學下幸諭笑得咁開心~

咁樣影既合照真係好攪笑，大家眼神一致真係要多謝meow ma啦~

我地今次又唔記得影合照啦!下次記得要影啦!!!