黃龍石澗

沾了佩佩的光有得去黃龍，記憶中的黃龍係難道極高的石澗，而當中的"三險"更讓人敬而遠之，所以多數只有行開山ge人先會去個度，唔似雙鹿、橫涌個d一到假日就旺過旺角。

剛到澗口就覺得好似唔多似以前，記得以前個水閘d 水好深，但係依加可以就咁行過去喇！由東涌行入來已經熱到溶左，一見到水不論大潭小氹一樣照殺！

好似話上年一場大雨令澗兩邊山泥傾瀉加上太大水令d大石移晒位，加上早幾排都無落過雨，條澗ge乾旱度令我覺得自己去左石礦場…繼而難度大減，如果要比，佢應該易過大城啦！

話咁快就去到黃龍瀑，個潭細左好多，又有好多細石積係潭底令個潭淺左好多，不過d 水真係清到無得頂！忍唔住要飲兩啖~~^^ 個潭度仲有巨型大魚嚇人！係哩度享受一頓簡單但滿足的午餐又要起程喇！

其實來到哩度只係今日1/3 ge路程，後面先係真正ge挑戰！大部份都要用手力撐個人上去，好攰.......終於來到雙龍谷，即係左龍同右龍瀑，雖然水很細但高不見頂，仍然壯觀！

再下來就是三險了…第一險是要抓住一條樹藤爬上直壁，就像電視機烈火雄心的消防員游繩下降般....我們避開了，因為原來無信心上到去，依加年紀大怕死…更怕死到血肉橫飛。

第二險其實相較下好好多，只要小心d 都應該唔會做空中飛人飛下危崖ge…

第三險是"蛇倒退"，顧名思義就係連蛇行都會打倒 tun ge 斜壁，不過又較之前ge 容易多了。

之後一大段都在不見天日的樹底下穿越，就這樣我們由海拔 0 m 一直攀升到 700m的雙東凹，美景不絕但係d 高過我ge草當中實在舉步維艱！好辛苦好辛苦終於接山路由黃龍郊遊徑返黃龍坑。

雖然有條好路行不過又由700m 落返到0m…真係落到腳震，結果行左一個鐘終於又返到黃龍石澗入澗位，哩個時候多左好多村民係度嬉水消暑，有個o靚仔仲來撩我地開水戰…

盡興而歸！不過又曬到暈.....結果前所未有地10:30pm 上床安睡。