泰國day1

波折重重，終於等到出發哩一日喇！因為超級早機所以特別邀請阿b來我家宿一宵，朝早一齊搭車去機場。果然興奮得濟，明明4:30 am 要起身，但係2am 都未訓....

來到機場，第一次到terminal 2 check in，哩度簡直好似個死城咁....食肆鋪頭未開門，連check in 都要到6am 先開始。在terminal 1 食早餐上飛機！等機ge 時候又見到cathay 大樓，又想起我d "好朋友"，你地今次好彩，我無6am 打電話同你地講︰我走喇！

嚴重缺乏睡眠，我地兩個一上機就大覺訓喇！好訓到連land 左都唔知道。泰國機場果然係幾新，但係交通實在唔方便，去bus terminal 又要搭多程shuttle bus，結果我地坐私家車出發芭堤雅。開價1600bht，結果1200bht 成交，到步後佢俾左張卡片我地，張卡片竟然print 住" airport-pattaya 1200bht"，佢竟然抬高個價！！

到達pattaya 的酒店----mercure hotel，雖然則邊都係工地起梗新酒店，不過環境都唔錯，又有swimming pool，裝修都好靚，仲有free tuk tuk 送你去royal garden 附近，更加會幫你搵車去你想去ge 地方，價錢合理唔駛俾人扼。

因為實在太肚餓喇，去到royal garden 第一間見到ge restaurant 就成為我地ge 目標！原來係間扒房，不過味道都唔錯，仲有salad bar ，有好多生果食呀！

因為天黑黑所以決定今日唔去玩水上活動，改去 sanctuary of truth。我地兩個果然係黑，去到就落雨喇… sanctuary of truth 係benz 老細俾錢起ge 一坐木雕城，不過仲未起好，但係雖然未起好都可以收入場費俾人參觀架！仲可以入去城入面睇。則邊d 工人不斷趕工，每一塊木都係佢地親手雕刻而成。真係幾壯觀。除左哩個木雕城外，仲有海豚表演睇，其實我對所有動物表演都無興趣，我覺得要d 動物表演好慘…

因為無tuk tuk，的士又開天殺價，我地決定行去big c 食雪糕！其實睇地圖，又或者計返頭先車程都知條路好遠，但係又唔知點解我地咁堅持要行呢？行左好耐，行一陣又問下路，d 人個個都話仲有10mins walk，但係我地真係行左好耐喇！我地又好想去厠所喎，就係哩個時候一間spa-----let's relax出現眼前，唔駛諗喇，入去做個massage，借個厠所一用啦！俾錢先發覺我地係機場唱ge $1000己經無晒咁濟，唯有碌卡啦。不過真係好舒服，雖然要剥光豬，但係d 香薰油好香，好relaxing，做埋個body scrub d 皮膚仲好smooth 添！又有花茶同芒果糯米飯食，讚！做完個massage 天都黑晒lu，不過疲勞全消，舒服晒！

飯餐喇！！我地跟住旅遊書的介紹來到 "somsak's restaurant"，地點就係big c 對面，ibis hotel 附近，要轉入條巷，都幾偏僻。我地跟書點了燒雞、燒海鮮拼盤還有我很喜歡的冬陰公海鮮湯。隻雞真係超滑超好味，上台時還有引人注目的火熖表演，海鮮拼盤都好新鮮，仲有個湯，佢加左椰汁令個湯好滑好好味！

食飽飽我地本來打算再去尋找書中的雪糕，但係真係飽得滯，食唔落喇，在supermarket 買左d snacks 就搭tuk tuk 返酒店！

沿途經過好多pub，紅色霓紅燈照射下有好多女士企係門口兜搭，有些pub 的門口甚至有十幾個女人，每人都有一個號碼牌呢！佢地個個都身材"豐滿"，唔知當中有無人妖呢？