Ginger

姓名︰ginger (跟阿婆姓賤)

姓別︰男

出生日期︰30/9/08

考慮左好耐好耐，終於係22號帶左佢返屋企喇！因為佢係黃色，所以叫佢做ginger，咁岩阿婆叫ginny，即係跟阿婆姓賤啦~haha！

22/2 抱佢返屋企個時已經好驚，返到去更驚，哩係sofa 底，驚佢周圍走所以綁住左佢，夜晚返到屋企見到佢仲係好驚，無食野無飲水無去厠所.......不過摸下佢抓下痕就肯食d，但係都仲係驚，結果哩晚都放左佢俾佢周圍走啦。

23/2 起身見到佢係sofa 底捐個頭出來又縮返入去，檢查厠所，oh！佢識去厠所痾呀！！幫佢清理厠所佢就自己走過來，摸下佢又繼續食埋佢兜糧，但係摸少一陣都唔得。佢好似知道我就係佢主人喇，所以好跟我，仲係我未訓ge時候率先訓左我張床ge 正中間！到我訓個時佢就轉位訓係我個頭則邊...但係佢ge 呼嚕呼嚕好噪....搞到我訓唔到，佢仲時不時起身轉位，就咁就踩上我個身到..... 真係.....=_="

24/2 我開始覺得佢似隻狗，唔知係咪係pet shop 見得狗多，或者係d 狗教佢點同人玩！？因為佢好鍾意跟腳邊行，train 左ge 狗都無佢跟得咁貼！第二就係佢好鍾意lam我隻腳……=_=" 以前d 貓如果唔係你隻手有野食或者有味佢一定唔會lam 你，你想佢lam 都唔駛指意！不過我好鍾意佢條脷鞋鞋地咁，好搞笑！最後就係.......佢lam 完你就會咬你腳趾！我哩幾日每日都係咁俾佢搞醒......

25/2 間屋一定有人追殺佢！如果唔係佢應該唔會時不時係間屋度短跑！？跳上張床又跑去梳化底，再跑入厠所.....

26/2 佢好識嘆，知道我個sinomax pillow 係最舒服，所以一晚兩次用腳yang 開我個頭要霸左個枕頭！可惡！！

27/2 同我一樣咁懶，訓係度睇電視........

來左幾日佢就好似好適應咁喇！！多多指教喇，ginger 大佬，同埋請你唔好再抓我張梳化、瑜珈蓆仲有張被，我專誠買左個架俾你....請你抓應該抓的地方！多謝合作。