零距離的接觸!!

星期五 3/10, 小瑜食飽午餐後, 整裝待發, 我地又出發去街街!

今日我同Lin Lin約咗一個喺Blog度識咗好耐, 喺遠方返來的朋友仔Janice和她的BB K!

好開心呀! 識咗你已經有一段時間啦, 我記得我仲大肚時已經有睇過你個Blog, 到小瑜出世後你因為她的笑容而吸引了你做了我地既粉絲!! 果時, BB K都仲未出世呀!

就係呢張相吸引到你吧?

知道你會回來並約我和Lin Lin見面, 我開心到呢........終於可以零距離同你傾計!

一見面唔好講咁多, 勁傾勁講! 爭取時間!! 最爽係小瑜瞓咗, 我可以好free咁傾計!

BB K好可愛呀!! 好好笑容既BB!

小瑜瞓到好冧, 澔澔喺度拍枱拍櫈都整唔醒佢!

Janice送給小瑜的小禮物 →麵包超人手錶一隻, 超爆笑, 按粒星星會彈出麵包超人既身/手/腳!

小瑜瞓醒啦, 瞓醒一見到個手錶就拎住起勢咁研究, 佢依家已經識玩啦!

希望BB K都鐘意我同Lin Lin Aunite既小小心意啦!

我地唔理咁多, 醫飽肚後抱起BB K勁影相!

由於Janice要趕住會合佢Honey, 所以傾咗個o靚鐘就要走啦!

不過我同Lin Lin未走住, 因為, 同一張枱, 轉咗兩輪食客!

三寶媽出沙田湊呀仔放學, 咁難得Lin Lin放閒日, 當然要來聚一聚啦!

而Linda都出埋嚟呀, 順手問Lin Lin借咗個奶揼!

咁大家又坐埋一齊食Tea傾計嘞!

三妹真係超可愛, 好想咬啖...好想既程度係九級(淨返果一級因為人地呀媽喺度)

戴埋Lin Lin送既小天使Hairband, 索爆呀!

小瑜戴又有咩效果呢?

媽咪們戴又幾得喎!

Lin Lin簡直係索爆啦!

雖然時間好短, 但可以聚一聚已經好開心啦!

之後三寶媽就趕住去湊仔放學, 我地同Linda去咗行UNIQLO, 本來係Linda話想去睇下有無嘢買俾妹妹, 點知最終佢自己咩都無買, 反而我同Lin Lin買咗一Pack底衫俾BB's!

之後Linda就趕住返屋企睇仔啦! 我同Lin Lin繼續行街!

首先去BB餐廳換片, 琛瑜一邊食餅, 一邊指...指咩呢?

原來係呢個THOMAS身高呎, 佢不斷指住灰爆火車頭喺度笑...咁恐怖, 有咩好笑呀?

之後仲去咗我住大圍時成日買嘢果間Shop度, 當係探下朋友, 順便睇下有咩新嘢, 最終買咗一件衫同一條Scraf!

然後又折返沙田食Dinner, 去程途中小瑜又瞓咗!!

我地今晚食泰菜, Yummy!! 我唔小瑜瞓太耐, 怕佢今晚唔肯瞓, 所以俾佢瞓左大約45分鐘就嘈醒佢食飯啦!

差不多時間啦, 葉公子同黃小姐都開始扭計!

所以, 食飽後我地就回程啦!!

今日好盡慶呢!!呀女仲攰到瞓到第二朝十一點呀!!!