近況

        而家最長o既時間就係o係公司,成日8,9點先走...其實都有d因為唔想咁早返屋企o既源固,因為我自己一個搬左出黎住...其實都有好處,就係多左好多私人空間,例如喊o既時候唔使就住就住,以前成日驚死比人知就收埋收埋喊...喊得真係唔暢快,仲辛苦!!

        原來分開左係真係做唔返朋友,由其是佢...成日唔聽電話,唔比我見峰峰...峰峰都因為耐冇見我,對我陌生左,唔比我湊佢去玩...見到峰峰咁對我,我真係好唔開心,我知道而家咁o既情況,我需要比更多好心機,更多耐性...但係我都要見到佢先得o家...我都知佢可能會多野做聽唔到電話,但係見到個未接來電係我都可以覆返個電話比我掛??平日我都會想聽下峰峰把聲..但係打親電話10次有8次都冇人聽,我都好掛住佢o家...我知佢好憎我,好唔想見到我,連把聲都唔想聽到,但係我都係佢媽媽黎o家!!都要比我見o家..見下都好丫..但係都要比機會我先得o家!!成日我準備入去之前都唔聽電話,扼殺左我見峰峰o既機會...點解呀??點解要咁呀??