美味不再

我大哥以前好鍾意去黃珍珍，由其是佢個咖哩蟹，真係好”正”，但自從佢幾年前搬咗去澳門之後，就一直都無去過～

早輪佢返嚟，咁當然去食佢勁鍾意嘅咖哩蟹啦．．．點知．．．唔見咗兩樣嘢，就係：”大失水準”以至”大失所望”嘞！

其實，其他嘢食都差，我哋叫咗：燒原隻魷魚；燒豬頸肉；咖哩蟹；泰式南乳吊燒雞；咸魚炒芥蘭同埋炸蝦餅（按難食程度排列），最難食係蝦餅，咬咗兩啖，放棄咗，簡直係幻想不再，神話幻滅呀！

有無人有好味推介呀～等我下次可以帶大哥去食返餐好味嘅咖哩蟹同泰國菜呀！