2009年11月5日-全新體驗牙丫島

2009年11月5日

天氣 : 涼涼地,初時有霧後轉晴
目的地 : 香港南面一個寧靜小島
交通工具 : mtr + 渡海輪

由於早起..(其實都10點幾11點),總之冇食早餐..出到中環又趕頭趕命..
向老麥拿拿林買d野食跳上船..出發!!

咬住條魚..望出去..嘩下..個天咩事靚左咁多既?!唔通..因為我?!
向船上搖左20分鐘左右!終於到左~

牙丫島一如往昔..一到步,我們二人就往風車方向行駛..
路經呀婆地頭...亦係咁耐以黎唯一一次冇幫襯呀婆....

今次我行入面既路而冇揀近海既路..因為有班四正鬼佬.. 哈哈

唔知係咪早兩晚既強風...成地都係野..不過除左清潔工外..人影都唔多隻...

一心諗住一路行一路搵奇異生物既me呢..由於睇唔到d乜..
於是踎低影下花...行下影下...冇耐就行到上去..

去過咁多次牙丫島都..有人仲未黎過風車景點...
咁就梗係要上一上個亭好好 gup gup 啦...

向個亭到望出去..見到呢個奇怪現象...攪乜今日個景靚到好似幅畫咁架....

最後,留低到此一遊既標準相~~預備上路!!!

平時d路行到悶悶地..於是..嘿嘿 行新路 - 消失的密室

全新既感覺~由於身邊全部都係草草草..所以我好比心機.. 睇下有冇發現!

呢條路都幾易行~風景又靚過投靠洪聖爺果邊 wor..
我又上高山行平地..都不知幾好玩...

抬頭看仲有好多煉奶飛過... 勁ssssss!!

然後漫漫長路...行樓梯...不過又比我發現左d野...

有缺口! 等我 sir 落去 diu diu 有冇發現先!

探子回報!風景極靚~~~令人心曠神怡~煩惱一掃而空..
(後面有聲音話:你本來個腦都空空如也..)

再往前行..睇見索罟灣..而佢今日亦都真係特別索..好靚...

不過行左好一段路..原來出口係..家樂徑..哈哈哈..呢件蛋散即時死亡!

期間..見到我認為最外星既植物..真係好鬼醜樣... =.='

接下來..好玩就唔比佢停!決定上埋菱角山~索罟灣天后廟邊邊既路上..
唔知點解...呢日個天空真係好好好好好好好好好鬼靚...

沿樓梯上(又梯...)冇耐就到左菱角山觀景台

台我就冇上..因為打算向山頂睇落霞..反而我擒上大石到..四圍望

太陽既光..真係..好靚...好靚....

因為要睇埋紅紅太陽..於是喇喇林往高處出發..不過的確有段路!

趕還趕..但路上既靚景又豈能錯過?!?!
好耐冇試過行山行到咁有 feel..

最後證明~努力係有回報既~趕得切~~正到痺.....

太陽好快就得返半隻...呢個 MOMENT.. 我被人踢~
所以要開始閃落山.. 因為我都唔知要幾耐先落到去..
第一次咋其實....

@@.. 好似都幾長..不過路係要黎行既...

行左一陣仔...回頭一望! SHIT!! 太陽冇電~~
隨後過多10幾mins...天就黑喇...好彩早有準備~~照明工具!!

登登登登!!!!

落到地面見到文明既時間大慨係6點多丁丁咁上下啦..
最後經過埋模達灣成功出到文明社會~~索罟灣碼頭!!!
完成時間應該係7點左右!!

呢個時間就梗係換套靚衫~叉叉電!
CELEBRATE 今日完成左即興之旅!

下次計劃早D起身~~往深灣出發!正!!