初三...

初三起身..陽光普照..可憐小女子戇居居失眠到5點幾先訓....

最最最陰功既係..我未夠10點又醒左.. oh god... 醒左仲要訓唔返先好玩麻..

於是執返正d眼耳口鼻..反正今日係中山之旅既尾聲...預備出馬交反

由於是日都有親友到訪拜年~於是索性去飲茶茶..目的地係"麗桃源"

出發前同老死向家門影張留倩影先得~~

話說呢間咁既野好似由馬交人開~向三鄉既(唔係中心點呀下)~

d野真係好味過香港酒樓 wor..最正就係"流沙包"我就好想食喇..

終於到左..人超多..要等位囉..勁驚等唔到..好彩..最後都坐低左...

可惜"流沙包"經已賣晒..鬼咩..成點幾兩點先飲茶..有得食算係咁啦

不過中間果兜"撈麵"又係另一極品 wor... 堅好味架.. 飲茶..人多d係開心d

飲飽食醉又係時候同家人分手了.. daddy 留向中山等埋呀爺生日..

而我地班侯生個個都要開工..同埋又想過macau反呢..於是就閃人

閃人前..呀妹話掛住華記..於是我地又返黎呢到..我老死都仲整多碗先走呀~

出到 MACAU 都天黑喇...第一件事其實係去左買飛先架...

但頂...6點之麻..唔係得0530果班呀下?!好彩...最後買貴小小咁囉..

不過都要成點鐘...我果下好Q擔心...開工果下點算..一定會死...

唔理喇.. MACAU.. 我又食...本來想買"金錢餅"但間野..又賣晒囉妖...

結果食左佢隔離既"楜椒餅"...味道呀??平平啦...唔難食囉....

向新馬路行去"三盞燈"..時間多麻...途中見到蕉型雞蛋仔 wor...

咁過癮..梗買黎試下啦...喂..唔係滾你...真係有蕉味的...抵死~好味~

跟住...我頂..又係野食...好似係 iran 食品..我地叫左 chicken.. 好味呀~

去到喇..."三盞燈"其實我地都係為左食..."咖哩妹"~ curry 係好香好有味

但可惜係..我好肯定有牛肉的!結果...我唔會再食...不過食牛的人可以一試~

再黎我地去左睇煙花..嘿嘿..冇份玩呀..因為記得某年情人節...

與某個死佬相見在 macau... 仲帶我入黎反..我嚇到喊然後想打佢!

今次遠觀..不過真係好靚..可能望住人燒銀紙..真係好興奮的~~(變態)

睇完煙花就去金莎發財啦..我就一心想去佢到飲杯 COCKTAIL.. 點知...

林生..你阻住我入唔到去...我又唔賭..你叫我戇居居點算先..我而家好憎佢

好彩..收到D朋友既祝福..一個就提醒我2號食飯~

另一個真係想打佢..就係帶我進入漫天烽火個死仔包...

明知長途仲不停響我個 LIN LIN... 最後我覆左佢 SMS同佢講.. 到 HK 電聯

無聊左成個鐘之後..終於走喇...臨走同老死紀念下先~ 桃花呀~卡卡...(變態X2)

由於去到碼頭都仲有45 MINS.. 候船室一齊又戇居過...我好眼訓...

終於上船喇...開船冇耐我就恰左著..不過訓得好差...原因係...

我未試過搭船好似玩緊過山車咁之餘..後面D細路好嘈呀~~~

落船果刻我打返比我個 EX... 睇下搵我攪咩..個死佬係咁叫我去反...

其實好白痴...我話我要返工..佢話佢都要..但佢D朋友好想見我咁話...

有咩好見丫... EX之麻.. 都唔知佢向背後唱到我有幾兇悍...

不過..點講呢..佢話係得我一個令到佢咁乖過..喇..呢樣我認架...

不過有Q用咩..或者係咁所以佢D朋友想睇下我究竟係咪生得似成龍卦

哈哈...我都開玩笑咁問個:KANG"字係形式我既美艷程度定咩先?

點都好啦..家下大家係朋友..都仲開下玩笑氹我我都好高興喇~

最後我同老死&妹妹搭的士閃人...真係好難頂眼訓呀...向呢個時間

我個EX又黎..而今次打黎 SAY SORRY 話飲大左亂講野.. 差D笑死左我

不過我都好認真咁講.. 亂唔亂講都好啦.. 聽到佢咁講我都有D開心係真既

"情"可能就係咁樣卦?絕的時候要絕..將來又有邊個知丫..我同佢係一個SAMPLE