巴路坦ranbo

每次我行開行埋..比我呀媽知道就梗有d野..煩野...8月果陣就中左招~
簡單講一下~"巴路坦"係我新名..話說有日唔知咩事講開咸蛋超人..
然後發現,日本卡通好多打怪獸 /正義人物都係食物~
例如有咸蛋啦...麵包啦..方包啦...豬啦咁...
跟手我呀妹就講超人有隻怪獸呢,叫巴路坦星人~
我個妹仲話勁襯我,原因係大家都係外星黎既..

我問呀妹..邊位係巴路坦???我呀妹就咁答 "哩~果隻生到成隻蝦咁架"
我諗左陣.. 咸蛋蝦.. 黃金蝦..不過我印象中係有呢隻野既~
最後我"哦"左聲,又繼續我地沈寂既車程....

未幾,我個妹問我"喂!有日訓醒,你發現你變左巴路坦星人你會點呀?"
唔知點解我個妹總有呢d奇怪問題問我..好記得上一個問題係
"假設有日攪肚..好撚痛..但又同時比人整估~pat pat 被痴aa膠..咁你會點"
上個問題點答我唔講喇~而今次我答佢~仲答得好快 :
"一定係整容!" 我仲補左句 "巴路坦唔係蝦~係龍蝦..我記得佢有鉗!!"
然而我答得快..又咁設身處地...唔知點解..總之我就變左巴路坦 ...

講返我呀媽果到,其實我8月果次係打算行去馬交
順手返下中山,沖洗下個腦又舒舒服服咁出返黎...
點知.我呀媽一知道又發揮佢所長..出發前,我地一家人飲茶..
佢就黎我料..話要幫佢帶乜帶物...(咸魚呀~藥呀~野食呀咁)..煩野啦總之~
我一聽到就火都黎埋..由其係幻想到個情景...勁反感~出於自己~我立刻咆哮
"喂~我有自己野,又一抽二"lung"...左右手各一,背脊心口都掛滿晒..咩事呀萍姐?!
家下要我扮 ranbo呀?史泰龍第一滴血呀?!你老味..人地掛子彈~我就掛咸魚..痴線"
我個妹聽完,立即噴飯勁笑..幾乎斷氣...結果..我又多左個名.. ranbo!
最後..新一代 cross over ..."巴路坦 ranbo".. 亦即.. 我囉...頂....