網誌分類：我的懷孕日誌 4-6個月 |
22 JUL 2008
琴日放半天假去北區醫院照結構性照聲波,即係又可以見到小Bi喇!!
之前媽媽成日想你郁,但係今次媽媽想你今次繼續唔好郁,因為今次你一郁,姑娘好難同你CHECK晒咁多部分架...結果今次你都繼續無乜郁,但問題係姑娘話你坐得太低隻腳板同臍帶都睇唔到
....攪左好耐,後來都睇到腳板,但係都係睇唔到臍帶,姑娘好無耐咁叫我我出去行一下,等佢做多一個先再試過...
好彩我係北區無威院咁多人,聽人講威院唔會做一個又俾你入去試,差唔多要等成個鐘先俾你再試,咁我就係出面行下坐下,做少少扭腰過動希望有幫助啦
,又同佢講叫佢乖d,要俾姑娘照到呀!!因為頭先佢daddy係入面照唔到時,佢daddy話打佢pat pat喎,唔知係咪識聽,死都唔俾人照到
好啦..再來第二次....姑娘一睇就皺眉...仲衰過頭先...話佢越坐越落,又計又出去行下啦
出到去我坐低係咁推下個肚,又拍下個肚,好似按摩咁...跟住又"r"下個肚,因為突然諗起「那夜我替女兒"r"背脊」.....希望佢會乖d轉下位, 第三次再接再勵,一睇姑娘又係擰擰頭話...都係咁...我見佢已經好努力咁找,果個姑娘都話未試過咁多次都唔得,我問佢點解會咁(其實我想問咁係咪有問題jel),佢竟然同我講話係我個小Bi識嘆,因為果個位舒服喎......連我都諗住又要出去等下,......佢突然又話睇到喇喎
唔好理咁多終於攪掂,姑娘話佢而家個size係中等B,all pass咁話!!睇到臍帶後仲專登幫我睇性別tim...跟住又話好難睇到...後來又話睇到但又唔係100%肯定,不過就同我私家個答案一樣
跟住我地由上水漫遊出旺角睇醫生,咪係我打敗仗囉...激死我!!!好明顯係俾同事傳柒
,呢個醫生...我book左5點,姑娘話都要排隊,好啦諗住早d去到會好d啦...4點都要排到5點半先到我
不過呢個係出名的耳鼻喉科...次次都係咁多人,鬼叫我又係睇佢先會好咩
,所以今日同老公真係醫院診所半日遊....
Anyway, 今日見到小Bi真係好開心!!!最緊要佢係健康,要加油呀!!我地仲有一半路程就見面喇!!!!!!!!!!
~大口妹~ 2008-07-24 14:02
我咪就係在威院第一次照唔到,要等成2個鍾再入去照過囉
我亞b 同我玩野啦~居然趴係度訓~姑娘話照唔到佢塊臉啦~~~
好彩第二次都照到
羊羊 2008-07-24 13:05
小旺2008-07-24 13:33
(阿紫) 2008-07-24 13:00
小旺2008-07-24 13:34
大家一齊加油!! Yeah Yeah Yeah!!
小肥肥(pochacco嘅honey b ) 2008-07-24 10:11
小旺2008-07-24 10:31
逐步好轉,thx!
Toni Monkey 2008-07-23 21:23
你唔舒服? 就唔好周圍走. 好好在家休息下 la 。
好好保重!!!
小旺2008-07-24 10:04
杜寶 2008-07-23 19:22
小旺2008-07-24 10:06
個姑娘話一定要到先可以走,所以如果3次都照唔到....我諗照幾多次都要俾我照呀
bbgmama (g=girl-->bbg=家中愛犬) 2008-07-23 17:51
希望我下星期照時亞b合作d啦！
順順利利過關就好啦！
嘩~~睇耳鼻喉科咪好貴
不過上水粉嶺都無咩好醫生咁，
專科更加唔係日日有
希望你快d好返啦
小旺2008-07-24 10:29
keke...唔係照多幾次抵D咩
不過你放心,姑娘話好多都一TAKE過OK
呢個耳鼻喉科又唔係太貴,我連埋藥都係$3XX,可能就係平又好,所以次次都咁多人