六年前0既今日

網誌日期：2009-11-13 12:24

2003年11月13日晚上於cwb sogo旁邊的唐樓由一位餵街貓婆婆手上接過一隻約莫7星期大唐貓仔~當時唐樓大翻身, 搞到長住呢棟唐樓0既街貓媽媽要"擔"住4隻初生bb四圍搬竇~~搬搬下就由4隻得返2隻!!  一仔一女, 一大一細 (當年0既亞比已經好識爭奶食, 另一隻女細佢幾個碼架!!), 而我個人偏好"仔"!! 所以就幫婆婆接收左隻仔.....就係今日0既亞比啦!! (亞比呢個名由來係因為佢d花紋太似"亞比西尼亞貓")

當日一時沖動拎左呢隻奶都未戒, 行路仲腳震震0既貓b返屋企.....最擔心當然係唔知屋企隻瘋狂破壞王popeye會唔會整死貓b... 第一晚合照...popeye咁0既衰樣當然係俾我鬧緊叫佢"唔好搞貓b..仲有唔好郁..我要影相"~

開頭兩日我都有用籠來分格popeye & 貓b......不過第3日, 貓b已經唔受困...日叫夜叫...所以都係由佢自由行啦...當時kk & 貓貓(已去世) 都好唔接受多隻貓b...kk日日黑面

而無貓肯同佢玩0既popeye當然無任歡迎多隻貓仔陪佢玩~佢地一拍即合..形影不離..日日夜夜糖痴豆~

我都安落晒~popeye有玩伴, 亞比有"人"湊, 貓貓KK唔少左俾"貓/狗"騷擾!!

亞比<---我只係開頭一段時間有特別開奶粉佢飲(一日一次).....之後我就完全無理佢, 真係當正佢係popeye0既"財產"..連抱佢同佢玩下都無~~

佢都完全唔需要我照顧, 好獨立健康咁成長~

仲慢慢發現佢行為有d............狗

friend 到連瞓覺都要搭住手~~

亞比同kk關係都好左好多.....不過點都係無佢同popeye咁friend...

亞比一天天"漲"大...

popeye0既壓力都越來越重!!

坐得幾衰樣~~

呢張相...我好鐘意架!! 影得佢幾靚仔!! 用DC仔影咋~CANON IXY55~(2005年9月15日)

少年亞比~

大小魔怪合照..(當時亞比已經俾POPEYE TRAIN到識幫手偷小食, 佢負責跳上櫃頂拍包小食落地再由POPEYE咬開分贓...)

亞比對我都未有咁痴纏~

瞓成咁都得~~

一隻好樂天0既肥貓~

Jess同佢影0既沙龍~(有一年0既貓展仲用左呢張相做內頁添) 而我都開始中毒~~

終於毒發...買左大機開始影貓/狗~

我眼中的亞比

轉載自nic：http://hk.myblog.yahoo.com/pop-boo/article?mid=9622