發爛渣

14-Sep-2009

今日係我婚後第一次返返吓工打風，但係間咁嘅大公司就太官僚la，樣樣都係等 approve，明明天文台都公佈咗2個鐘頭後掛8號，叫d住得偏遠同離島嘅人盡快離開，但係公司都唔比人走， 仲要等乜Q team批﹒﹒﹒xyz!#%，你唔好去死﹗﹗問HR同事，佢仲問我"咁你check咗最遲班船幾點吖？"，佢都低能架，公司又比人哋上網，hotline就永遠都打唔到，咁就唔駛番屋企呀？我問佢我趕唔到要搭Taxi係咪有得claim，佢又答唔到。大佬呀，我住離島架，你包隻船比我走呀??! 我最後都係4:40左右先走得，好在落到樓下有taxi咋，即刻劈落葵芳轉地鐵，唉﹒﹒﹒你估我d船係巴士咁幾分鐘一班呀?佢都傻傻地嘅，搞咁耐都係pass番比department manager批，其實個個都係怕"咩鑊"之嘛，真係唔發爛渣都唔得呀

返到屋企見到無線新聞報導，見到訪問d離島居民，唉...無線又唔訪問我，如果唔係我實對住7百幾萬人話呢間咁嘅大公司幾咁無良，又唔放人走，仲要等等等﹒﹒﹒