自從領了樂樂回來養後...老公之前的強烈反對..本來以為再不能做暫託家庭的了...但時日過去...樂樂在家中習慣了...老公也習慣了貓影形處處和樂樂的搗蛋行為...我們一家也相處得樂也融融..
話說看別人的網誌時...認識了一位貓義工...知道了她朋友未能再暫託一隻貓貓...那就毛遂自薦...當時還害怕老公會很反對....誰知老公竟然只說了幾句...也就說「算了吧..就領牠回來...只可以暫託..不可以長養呀!!」得到老公的批準...連忙跟義工確認好時間..因為怕老公會反口...hehe..所以也就找得義很急...最後就在星期六那天...領了一位千金回來....
這位千金身世雖然不比欣欣可憐...但看她的身體就叫人很痛心...因為長期吃得少(不能搶到食物的緣故)...身軀比同年紀的同伴小得很...活像隻四個多月大的小貓..但她大概早已是起碼10個多月大的年輕女子....嗯...看上去有點欣欣小時候的影子..但她是否能和欣欣一樣有個幸福的家呢(^_^" 我雖然不知道欣欣幸不幸福的呀..起碼我努力給她幸福啦...嗯..我知道她很喜歡這個家就是了..) 還是未知知數...
因為這次已是她第二次給人暫託的了...是她的第二次希望(大概也可能是她最後一次的希望)...而且也因為我家的貓都是以開心為名....所以改她名為琋琋...有希望的音...而解作禧(查字典禧與琋同意)...有福之意...真的希望這位小朋友會有福氣...往後可以有開開心心的生活...
雖然是第二次做暫託家庭..也同樣暫託的都是街貓...但仍然有些問題...想大家幫忙給個意見...以下節錄我在HKCAT裏的留言...請大家幫忙看看..謝謝!!
我暫託左隻貓女....聽執佢返黎既義工話...佢細個在街上因為成日俾人蝦(不論貓或人)..所以形成好抗拒同人相處..
佢已經在另一個義工度暫託左一個月..但係未見得有好轉...仍然係好驚人同會fi人兇人(突然撲黎hea人..都真係俾佢嚇倒架..佢都幾惡架)..之前個義工就某緣故實在唔可以再暫託住佢..咁我就嘗試下接手啦...同埋希望可以純養佢...
雖然試過一個月在人既地方生活...但始終係好惡...anytime我接近個籠佢都會嗚嗚咁黎兇我...我試過無論佢點樣..我都好溫柔咁同佢傾下計
啦...搵毛毛棒隔籠摸佢...佢都仍然係爭大晒隻眼係咁嗚...亦試過當佢透明..等佢習慣下環境先..只俾水、食物俾佢...但佢仍然好緊張...
嗯..都試過在佢面前特登抱住我個仔/女(貓)來親親...但佢仍然好惡...搞到我兩隻貓都唔多想接近佢(其實初時我兩隻都好好奇..係冇咩野想睇下佢
架..但佢咁惡...我隻仔就怕左佢..我個女就唔多想理佢..只係fi佢<--我係覺得我個女係唔鍾意佢所以懶得理佢..而唔係怕左佢)
咁為左想令佢真係要同人接觸..我盤住會俾佢抓咬...就戴住對手套去摸佢..當然結果係佢就抓我啦..我對膠手套俾佢抓爛左三隻手指頭..其中一隻手指係有一半膠俾佢抓脫...汗...都幾兇狠下...
想問下大家有冇良策..我應唔應該繼續試下摸佢呢.....定再俾多D時間佢...繼續由佢在籠呢...佢呢個情況...一定唔出得籠喎(-.-佢咁樣..萬一有咩事我都抱唔走佢啦..咁點放心俾佢在屋企走動呢)...但係我真係唔想佢長期係咁...點好呢.
超級無敵馬小玲 2009-06-03 21:38
以我所知﹐貓係好唔鍾意膠手套既味！
我有4隻貓﹐冇一隻鍾意濃烈既氣味﹐如香水、橙…！
妳有冇想過放出黎… 長期咁比人困住… 應該唔係可"養純"佢囉！
思占2009-06-04 01:08
嗯..之後都冇再戴膠手套lu...都係用返手...之前係因為唔知佢會有咩反應...同埋^__^"交俾我既義工話幫佢沖涼要用手套..咁令我一時諗起不如試下用手套..佢其實對膠手套氣味冇特別唔鍾意(而且隻膠手套其實係用左n次都好舊lu..D味可能比較淡D)...我戴住時其實佢冇太大反抗...不過請教過資深義工..都唔贊成用膠手套..等佢聞多D我D味...anyway..而家空手摸佢..
咁我屋企D貓又好似同你D貓相反喎...我個仔聞倒D新奇味...e.g.水果、飯餸(我一向唔會俾人食既野佢食)、香水...佢都會好好奇咁特登走過去聞多幾下架喎..仲會想伸手搞..好enjoy...每隻貓有每隻貓性格..都唔可以一概而論既...唔通D薰衣草味貓砂、蘋果味貓砂冇貓用咩..係咪?!
我有諗過放佢出黎..我都唔贊成養貓要困籠...所以我都講我真係唔想佢長期係咁..不過問題係..我開晒籠門佢都唔肯出黎...反而變得越來越驚...縮得好入...關籠門...佢反而安心好多...我估要俾D時間佢適應下新環境..慢慢黎..等佢自己出黎..好過間硬迫佢出啦...嗯...我冇諗過要長期困喎..你邊度睇倒?!但諗深一層丫..佢咁樣出左籠...在屋企遊走搵地方厘埋..更加唔會同倒人相處..咁又點純養呢?!
其實養唔養馴要睇貓性格...最緊要係佢唔好怕人...所以我而家要做既係俾佢試下俾人養住既生活...亦即係純養..唔係養馴啦
最後..我都想問...你養左貓幾耐?同埋你有冇做暫託既經驗?
Michelle 2009-06-02 13:34
加油啊~~
我深信琋琋不是惡喵, 她是只太害怕, 才會出於自衛,
琋琋你要加油啊>"<
思占2009-06-02 15:40
小茄 2009-06-01 02:31
經歷左咁長期(近10個月)被欺負的生活，真係要較長時間才可以令佢對人對貓重建信心。不過你唔好灰心，貓貓的心好單純，只要真心對佢好，佢一定感覺到。我唔贊成你繼續摸佢，因為佢未必鍾意人摸，亦都唔好再抱欣欣樂樂比佢見，佢可能會誤會你的信息，以為你話佢知欣欣樂樂才是這裡的主人。你可以坐喺佢隔離睇下書呀咁靜靜陪住佢，同佢傾下偈，講下野，語氣要SOFT D，等佢習慣下有人一齊同有人聲的生活。佢未解除敵意前都唔好放佢出來喇，其實喺籠入面佢的安全感會更好。佢絕育未？絕育後性情又會好返D架喎。
思占2009-06-01 11:39