忘記一生的成就, 只記得自己愛太太

近來報章都是關於光纖之父 高錕得諾貝爾物理學獎的新聞.

睇到關於佢同佢老婆的專訪, 問到佢太太對於佢的睇法:-

「以前那個人已經走了，不再在這裏，哭也哭過一段日子，現在習慣了，知道這個人不再是以前那個人」

有一些人會覺得佢咁講好似唔係咁好, 但係我反而覺得佢只係將心裏面的講出0黎.

有時侯, 最痛苦的事不是失去一些東西 ... 失去的東西, 只要你不去想, 不去念就不會痛... 到最後留係你心裏面的都係美好的回憶.   最痛苦的事情應該是你知那個人依然存在, 但那個人己經不是你所認識的那個人.  你依然要去面對他的改變, 殘酷地, 慢慢地去認清他己經改變了的事實.

我諗, 佢地係受到大家留意之前, 己經走過了人生最痛苦的一段路 ... 我自己係一個成日諗過去的人, 對我0黎講, 回憶係比一切都重要的東西 ... 一點一點地失去回憶會有幾難受呢, 我真係諗都唔敢諗 ...

而面對己經將自己忘記的他, 一切留戀的事忽然都變得無晒意義 ... 又有幾多人可以明白 ...

最後他一切都唔記得, 但只係記得自己愛太太這件事 ...  我就覺得好感人啦~ 服侍佢一世都抵!!