又開學了

日出日落, 花開花又落 ... 忽然又開學了 ...

這是教書生活的第二年 ... 感覺東西都習慣了 ...

八月的時侯, 本來是打算拿我的七日半假期去一次一個人的旅行 ...

結果一堆的 deadlines 緊迫之下只可以取消 ... 又一個無聊的一年過去了 ...

八月尾, 俾老細屈0左去 poly 一個 forum 做講者 ... 本來以為只係普通的 conference 之類 ...

點知去到 poly 週圍都見到有自己個樣的 poster ... 感覺好奇怪 ... 想快 d 走 ...

那天有大約十個講者, 個個都係大有來頭的人 ... 忽然覺得自己唔係同佢地同一個世界的人 ....

哈哈哈 ... 不過都總算挨過0左一日 ...

話說, 由上年開始, 就一直想找個單位自己住 ... 由於想近返工, 所以都將目標放係 tko 同九龍灣 ...

一開始是打算買樓的, 結果dum 0下 dum 0下, 搞到 d 樓升0左成三四成 ... 然後才發覺, 現在買樓真係唔多化算, 半年升0左三成, 點買得落手? 所以目標也由買樓變成租樓住住先 ....

只不過, 月租由年中的 7000-7500 一升就升到 8500-12000 ...

不過諗落 ... 一丁友, 又唔係成日係屋企 ... 租個單位為乜? 每日返到去自己同自己講 "ただいま!" 的感覺應該也不好受吧 ...

因為這種種的原因 ... 結果令我做了一件後悔的事情 ...

就係換0左車 ...

事原係有一日俾阿爸半強迫下去了睇車 ... (一來佢太熱心, 二來我自己都有少少想換車) ...

雖0架車睇落幾好, condition 都唔錯, 以那0架車來說價錢都合理 ...

其實我相信以我的性格, 九成九係唔會買得成的 ... 因為一來我唔想買太貴的車, 二來我好少會渣 ...

我又要求多多 ... 但係衰就衰在我同阿爸一齊去 ...

我都未決定 ... (其實我暗地決定唔買的) ... 佢竟然話我知佢落0左訂 ...

結果 ... 就這樣換了車 ...

不過, 也好 ... 最少返工唔駛同學生迫巴士 ...

而且, 用一兩年再賣返出去 ... 應該都唔會賠好多0既 ...

阿爸的意思是想佢俾錢 ... 所以先私下落訂 ...

我當然唔肯啦 ... 第二日就開返 cheque 俾佢 ... 佢就一直係咁話我硬頸 ...

我並唔係因為嬲佢地而一直以來都唔駛佢地 d 錢 ...

我只係覺得佢地一直以來太辛苦 ... 應該留返 d 錢俾自己享受多d ...