痛~

星期六壘球比賽, 因為壘總俾人放火, 所以停0左一年無波打...

一年無打過波 ... 真係打得差0左, 唔開心. 又輸波... 重要自己打得唔好 ... 雖然有安打, 但係少有地有一次 STRIKE OUT ... 灰~

然後星期日, 打籃球 ... 又係打得唔好 ... 唔知點解 ...

其實我都知死0架啦, 每次自己打得唔好, 就會想努力的... 然後就好易會受傷 ...

結果差唔多打完的時侯 ... 終於咬柴 ...

重要咬得好勁那種 ... 咬到那一刻, 我就諗 "大件事, 有排搞" ... 而且即刻諗起早幾年打壘球咬到那次的痛法 ...

那次結困醫0左一年 ...

我都知死0架啦, 第一時間包實 D 對鞋 ... 等佢唔好腫, 然後叫個朋友買冰 ...

係球場浸冰浸0左成個鐘 ... 然後因為凍, 所以想走啦, 點知完全行唔到 ... 用一隻腳跳出球場 ... 差 D 跳到抽根, 然後座的士回家 ... 因為太凍, 本來想去醫院急症室 ... 但係我呢D唔死得人的症, 去 TUEN MUM 醫院起碼要等 5-6 個鐘先有得睇 ... 依家又流感期, 所以諗住等早上去睇私家再轉過去照會快D ...

用冰包住包到三點 ... 但係佢腫得好勁, 又痛 ...

冰用晒之後 ... 用凍水沖完涼之後諗住訓0左就唔會痛 ... 結果係床上面 "典" 0左兩個鐘, 都係痛到訓唔到, 重要越來越痛咁, 都係頂唔順 ... 叫0左阿爸車我去博愛 ... 原來佢地急症開返 ...

可能因為就快天光, 所以人唔係好多 ... 等0左一個鐘多 D 就有得照 ...

照完話 D 骨 "應該" 無事, 但係因為腫得大勁, 搞到發燒 ... 打0左止痛針, 開0左止痛藥退燒藥同消炎藥俾我,  重有十日假紙 ... 就叫我走~

返到屋企都成 9 點, 訓0左個幾鐘就俾阿爸迫0左我去睇跌打~

搞0左成日 ... 不過骨無事都安心好多~