網誌分類：未分類 |
圖片
網誌日期：2008-11-27 17:09
呢排一直都諗住一個問題, 今日趁妹豬瞓左即時update下, 一直都唔知
應該寫咩好, 又唔想淨係將一堆相放上黎就算, 不如講下"大得太快...
跟不上"啦, 唔知係咪年紀越大, 就越覺時間過得太快, 以前得立行嗰
陣根本無諗過咁快生第2個, 因為想將立行養好d, 教得聽話d, 食返肥
d, 著得型d.....
記得以前細個柴娃娃陪表姐去算命, 相士話, 我會有仔有女, 當時細個
又點識呀, 咪哦, 哦, 哦, 聽完就算囉, 點知又幾鬼準喎...哈哈...
臨生嗰排, 奶奶驚我隨時生得, 就接左立行去佢度瞓, 而家又怕立行攪
住個妹無得瞓, 就一直都係阿嫲嗰邊啦, 每日只有佢放學返黎食晚飯
既時間見到佢, 以前覺得立行好細, 怕佢呢樣唔適應嗰樣唔適應, 樣樣
都睇到實.
但自從生左妹豬之後, 突然覺得立行大個仔好多, 雖然只係3歲幾, 但
講野有紋有路, 有時望住立行會望到眼濕濕, 因為已經知道立行唔再
係bb仔, 有好多野都已經識自己去思考, 唔再係你叫佢咁佢就咁, 我覺
得自己絕對唔係一個稱職既好媽媽, 由其係呢段時間, 俾唔到足夠時
間立行, 有時又為左個妹鬧立行, 好似控制唔到自己咁, 雖然事後會錫
返佢, 但俾著我以前一定唔會咁做, 所以呢排心入面好矛盾, 好難過,
有次立行細細聲講: "媽咪唔錫我啦...." 我聽到真係心都嗡埋, 好怕忽
略左佢, 好怕佢會怪我, 所以個人成日都好唔平衡, 唔知做第二任媽咪
開頭會唔會都好似我咁呢? 唉, 呢排好大壓力, 有d透唔到氣既感覺,希
望過一排會好d啦. 影左d相, 係伊琳出世到而家既, 係度同大家分享.
HAPPINESS Blog 未有任何已發表的網誌
IMG_0921=.jpg
IMG_1057.JPG
IMG_1047.JPG
jo_manman 2008-12-07 12:34
你個傻婆,今次都唔係第一次做人亞媽,唔好講bb大得太快...呢d野,個心講好啦,快高長大係件好事,但對於我黎講,有d唔捨得,因為好似對於個女每個階段未做得好.........唉!!
真係大得快!!
Ceci & 立行B + 伊琳B2008-12-08 13:15
馬小玲 2008-12-05 09:11
原來咁多人都講左我想講既野,其實你都好明白個道理,只等時間做證明,努力呀
我都好羨慕你,一仔一女,係好事黎家,我見兩兄妹影既相就知你地幾甜嗱
Ceci & 立行B + 伊琳B2008-12-05 14:29
係呀, 真係好開心有咁多人俾意見我, 我會盡心盡力!!
唔使羨慕, 你都就快啦mama
利是媽媽 2008-12-04 10:14
上個月教青局搞左一個講座教導如何迎接第二個新生命.整個講座的重點告訴我,第一個比第二個小朋友更重要.因為第一個小朋友原來已經習慣了一切的愛護和關心,但相反,第二個小生命剛來這個世界,本來就是一無所有.只要把新生命照顧好,吃得飽睡得暖,已經很足夠了...總結一句,我認為你應該在小伊琳出生後讓立行知道你比以前更鍚佢. 至於小伊琳,我提意你要努力訓練一下個工人把她照顧好, 然後讓出更多時間關心立行的小小心靈.
小小個人意見,同你分享一下,希望你努力渡過這個最辛苦的時間.
Ceci & 立行B + 伊琳B2008-12-04 15:55
個課程真係岩晒我聽, miss左好可惜....>.<
你講得好岩, 我應該更加珍惜及照顧立行幼小既心靈, 因為由佢一出世我地都好緊張佢, 雖然唔知佢覺得我地既關心是否足夠, 但我好應該keep住落去同埋更應有多無少, 我會盡媽媽既本份努力, anyway, 多謝你
bibikids 2008-12-02 21:50
本店新開張,有大量有型,新潮,可愛嘅童裝!
而且會陸續有新貨上架,歡迎參觀選購!!!
新張期內,購物滿200蚊,仲可以有九折優惠!
(如有打擾,敬請見諒
)
Yvonne 2008-11-28 19:52
你吾好諗埋一邊啦,你比d時間啦.你同立行都需要d時間適應架,慢慢就會ok架喇.
你要加油呀,我第時仲有好多野仲要請教你架...hehehe
有需要你隨時比我傾下計啦...yeah!!!
Ceci & 立行B + 伊琳B2008-11-28 22:34
Alice 2008-11-28 14:30
Ceci & 立行B + 伊琳B2008-11-28 16:14
肥肥佬 2008-11-28 10:15
Ceci & 立行B + 伊琳B2008-11-28 16:11
我諗我要上多d course先得, 或者要將自己EQ提昇下, 如果個仔話我偏心就慘啦.
Becky 嬰兒小商店 2008-11-28 03:10