威尼斯人度假村之旅

上星期日同阿媽地一行10人到聞名既威尼斯人度假村參觀, 因為怕828開幕太多人啦, 所以揀而家先去.

但都唔少人WOO, 入到去, 嘩! 地方真係夠晒大!! 我地就兜兜轉轉, 左問右問咁到左停車場, 停車場真係好大呀!! 泊多多車都無問題啦; 入到去室内, 終於嚐到朋友所說的 "超凍" , 幸好帶左件厚少少既外套俾立行仔, 唔係變雪條都似, 最唔明就係點解咁大地方只得一個LIFT上大堂?? 呢個真係要改善下囉, 個個都企晒係個LIFT前等入, 好彩無人爭先, 如果唔係都會幾危險.

入到大堂, 有好多商店呀, 但都係超貴既, 有牌子既店, 我呢D小市民都係得個睇字, 但最吸引我既並唔係名店, 而係佢既建築, 真係好靚, 個屋頂有好多油畫, 好有外國FEEL, 我一邊行一邊發出讚嘆既聲音, 我諗立行仔都覺得好靚, 見佢目不轉睛咁望呀望... 而我最欣賞就係佢個天幕, 一入到去好似永遠都係白天, 沒有黑夜, 但側邊就嫌窄左少少囉, 如果大範圍D會仲靚.

行行下, 突然聽到一聲歌聲, 原來有一班表演人員正係中心位置表演歌劇, 佢地D衫好靚, 又唱得好聽, 個個圍住聽得如痴如醉, 到完結時, 個個都搵佢地影相, 我同立行當然唔例外啦, 不過立行可能見到佢地有D怕羞, 佢地仲引立行笑添, 真係好NICE呀; 影完相, 又聽到有人清唱幾句意大利歌, 哦, 原來行前D就係大運河啦, 有幾條小船, 每條船上都有個船夫, 對著一對小情人唱意大利情歌, 但礙於周圍太多人望住, 情境變得不浪漫了, 有點兒像做SHOW一樣, 條運河都幾長, 我打算等立行大D先坐.

再行入去就到食野既地方啦, 形式像88伴散叫食物一樣, 但可能係新建啦, 都無乜食物選擇, 有一間更加拍蒼蠅添, 我望下佢賣咩食物啦, 佢竟然買魚翅呀, 鮑魚飯呀咁, 百幾蚊一碗, 我諗想食呢D野都唔會係度食啦, 最受歡迎既係先跡岩, 賣台式既食物既, 我想佢係澳門開好耐,  估唔到佢會係威尼斯呢D大型既度假村内佔一席位, 坐左一陣, 望下個鐘, 唔經唔覺己經逗留左2鐘啦, 望下立行同ABBIE己經好攰, MARCO都唔知己經訓左第幾覺啦, 都係時候要閃! 再加上冷氣越黎越勁, 希望佢可以改善下, 節約能源, 25度啦唔該, 最後, 我地就結束左威尼斯人度假村之旅啦. 我地會再黎架. 再見啦威記!!

在許願池旁   

吸引市民看的MASK, 原來是指即將開幕的店

這個人真的很.....黑

很漂亮的表演者...但立行驚到震... 個女仔唱女高音超勁!! 

這個昂藏7尺的人...在身旁經過很有威迫感... 佢望人要俯低身的

我最欣賞的天幕呀!! 真的好美~~

在運河旁...立行好像怕會掉下來

表姐在朱古力店的戰利品