冬至飯

2009年12月17日

阿媽買股票賺左少少錢...所以今年阿媽有藉口唔洗煮..冬至飯出街食

阿爸就介紹大埔墟新街市既"良哥"..呢間"良哥"好巴閉

每晚只招呼2圍檯...仲要神咁早訂檯先有....

當晚得我地一家人...所以"良哥"既負責人"良哥"好似變左我地屋企個大廚咁

每煮完一碟菜都走出黎問下我地覺得點...

阿媽就覺得佢有D煩..仲話好似D電視既飲食節目咁

要逐個講下有咩評價....."好味呀..好鮮呀..好正呀...D肉汁XXX...."

講左成晚.....D野食都OK既...係乳鴿,一哥骨&湯最好味囉...其他就真係一般

當晚冬至飯有姨媽,小墁&邦邦邦入埋大埔食...

我見咁難得...就搞左個抽禮物環節...

D禮物好無聊架..有牙刷,牙膏,好立克,檸檬茶,洗頭水....

志在大家笑下姐....而全場最貴既超級香噴噴大獎 - TEMPO蘋果木味紙巾

就係俾我抽到~ 多謝大家~