謙謙加油

剛過去的一星期, 因 PaPa 外出工作,

MaMa 同謙謙都一齊出外,

有關旅程日誌, 好快送上.

不過係旅程中我哋同謙謙做咗一件事,

呢件事想快d同大家分享先.

相信熟悉謙謙的朋友, 都知道謙謙流口水o既情況係幾嚴重.

雖然謙謙仲未出晒d牙仔, 但不致於流得咁利害嗎.

幼潛導師 馬eE 話可能係謙謙成日食奶咀o既關係,

導致謙謙口部不是經常合起來.

(而且很多時候拍照都有奶咀相陪, 又或者大大塊口水肩蓋著靚衫仔)

本來我地都計劃遲些日子幫謙謙戒掉食奶咀呢個壞習慣,

經馬 eE 提點,

PaPa/MaMa 決定早點開始計劃.

剛好這個星期我們一家遠行,

PaPa/MaMa 決定提早嘗試,

係謙謙睡覺時候,

以一架小車仔代替奶咀安撫謙謙o既情緒. 

到今日為止, 謙謙已經連續 1 個星期無食過奶咀.

由於係外出關係, 好多時謙謙都係玩到倦入睡,

希望回到香港謙謙仍然繼續努力, 加油,

早點戒除呢個習慣.