629伊芙生日飯局+青衣狗公園(續)

再黎 ---

(先黎一張Honey同媽媽的合照, 睇下Honey個樣好可愛呢~)

(大機下的美女丁丁, 雖然都係影唔到個靚樣, 不過丁丁笑得好開心啵~ 梗係啦~ 剪完毛之後由大黑熊變左做美女, 企出黎都有自信好多呀~)

(瑤瑤: 咦!? 你咪丁丁? 你整容黎呀? 做咩靚左咁多既??)
(Peko: 琴日我地去剪毛黎丫嘛~ 你都係度架.....)
(Coco: 等我聞下先....係啵~ 真係丁丁黎, 唔認得佢添~)
(Nano: 丁丁靚女左好多呀...我鐘意呀...不過瑤瑤係殊...我要低調d...)

(冇認錯既話淺色個隻係Choco, 佢係度同懵朱朱打招呼呀~)

(今日懵朱朱終於踏出左佢既第一步喇~ 就係主動離開爸爸媽媽對腳, 自己去跑下玩下喇~ 你地有冇覺得懵朱朱大隻左好多呢~)

(懵朱朱唔止主動離開爸爸媽媽對腳呀, 仲主動追住瑤瑤添呀~ 梗係啦~ 瑤瑤琴日都剪左毛丫嘛~ 由野人look轉走可愛look呀, 阿媽今日仲幫佢著埋裙仔添~ )

玩到咁上下, 見到遠處有另一隻poodle(好似叫BB)同爸爸媽媽一齊黎散步~

你地睇下班哇鬼....---

(帶頭既係Coco, 跟住瑤瑤, Nano, Peko同Honey, 成大班好似爛仔衝出去截住人)

(瑤瑤: 0靚仔!! 呢個場我睇架啵!! 邊個俾你入黎呢度玩呀??)
(BB: 我好似日日黎都見唔到你地啵....好驚呀....咁惡既...我閃......)

(BB: 阿媽, 救命呀!! 呢班人好惡呀...仲係咁追住我...嚇死我喇....)

結果嚇到人地跳上媽媽身上呀, 真係惡霸行為!!

(我發覺隻衰仔Honey好鐘意玩水, 見到水"乙水"仲專登係上面行多幾次, 攪到自己濕晒, 成隻污咀狗咁呀)

(轉左去兒童遊樂場影相的Honey, 你對眼又唔見左喇>.<)

(坐在飛船上的Honey)

(極度為食的Coco, 為左食野, 可以扮袋鼠, 你地覺得佢扮得似唔似呀?)

(Honey同瑤瑤的合照, 大家都申晒脷, 又望住同一個方向, 好夾呢~~Nano你恨唔到咁多架喇~ 哇哈哈哈哈~~)

(狗狗大合照, 要一大班狗狗坐定定望住同一個方向影相, 真係難過登天呀, 唯有post多幾張出黎啦~)

今日既小食時間, 為食之星分別係瑤瑤同Coco兩姊妹呀!!

佢兩個好似夾定左咁, 一左一右係度夾攻人地隻手呀~ 明明我想餵懵朱朱架嘛~

點知瑤瑤一個唔該係左邊攝過黎就搶左懵朱朱既野食喇~

咁我唸住餵丁丁啦~ 又到Coco係右邊一個狗頭申過黎搶丁丁d野食啵~

好勁呀佢兩個真係!!! 唔知既真係以為佢地三日三夜冇食過野呢~ 哈哈~