通櫃桶

10月24日要入浸會醫院照胃鏡及通櫃通 (照大腸鏡), 現在結果出來沒有大問題, 總算放下心頭大石, 但記得未照前真的忐忑不安, 又驚清腸會疴得辛苦 (其實不用驚, 真的好辛苦), 又怕照胃, 照腸時會感到痛楚 (原來一點感覺也沒有), 最終當然會擔心出來的報告, 感恩, 沒有什麼大問題, 只是一些小毛病.

但今次的經歷, 真的十分難忘, 醫生說, 腸可以十年才照一次, 我可以待十年後才需要再照腸了

這瓶便是瀉葯 - 嘩! 洗唔洗咁大隻字, 全房病人都知道我要大瀉特瀉.

飲之前還要打止呕針. 姑娘話 "以防飲到一半又吐出來, 到時又要從頭再飲過了"

吓! 唔係話, 咁攪法真係會死人架

飲完一大瓶 1.5公升後, 再整多兩枝少比你嘆, 雖然容量少, 但非常非常難入口, 味道難以形容, 我真的飲到頭皮發麻

飲完后還要等待屎神來臨, 屎神沒有失約, 大約 45mins便到臨, 它絶不手軟, 我足足由 10時瀉到半夜 2時, 又疲累又眼訓, 又冷, 又腳軟......

小業話, 佢都想照下大腸, 唔係化, 你估玩咩, 真係會疴死人架

林醫生沒有騙我, 最痛苦便是飲瀉葯到疴的過程, 過後便無痛苦了, 真係大步跨過.