第十八日 2009 年 5 月 25 日

一去到師傅就同我講佢調較過離合器..今次應該易控制o的架啦...果然係...好踩好多..無咁回彈.幾正呀..

行車無事..重好暢順同埋記得條路點行添...但係點解一去到考試場地掉頭時, 就成日都唔記得鬆手制o既呢..師傅問我係咪好驚..又唔係丫..跟住佢問我點解會咁呢...我都攪唔清楚做乜..總之一上到去頂位就....個腦就一片空白....唉...

希望正式果日唔好咁啦...得番幾日時間咋...