網誌分類：生活點滴 |
今日要去到太子已經落雨, 重要學足三堂添...o的雨攪到連望鏡都望唔到..重要唔知點解撥左右燈都可以成日撥到高燈個制..俾前面個師傅話添 
雖然今堂掉頭同泊位都已經放鬆o左, 但係一上到去都一定有野係唔記得, 師傅已經偷雞出術咁猛咁係街頭同我掉頭再轉返上去排隊而唔駛兜大圈晒時間, 但真係覺得自己好唔掙氣囉...重有成日有樣野會唔記得, 連師傅都話.."你係好勤力去學亦都好肯學, 亦唔係做唔到, 但唔知點解梗係一上到頂位開始掉頭泊頭就緊張"...我都想知點解呀 
原來連續三堂真係好攰...一落車之後隻眼真係睜唔大咁...好辛苦..唔怪之得話揸長時間車o既司機會辛苦啦..我明啦 
都係果句..希望考試果日唔好落雨啦...連鏡都望唔清楚..攪到睇位又難...真係好驚架 
rainbow 2009-06-12 12:31