網誌分類:美國生活 |
圖片
網誌日期:2009-12-22 07:35
過去一個週末,美國東岸大部份地區被暴風雪侵襲。南面由北卡起,直上華盛頓、費城、紐約、波士頓,無一幸免,部份降雪量達兩呎!
我州是起點,積雪量由幾吋到一呎不等。星期五大約中午就開始落,一直到差不多凌晨才落完,足足十二小時!
由於我們這裡相對和暖,一年最多落一兩次雪,而且很多時候雪也一降即溶。今次真的全城變白,實在是大件事!氣溫持續寒冷,到處仍是積雪,今天仍看到年輕人玩雪球戰,可能真有機會捱到星期五,過一個白色聖誕啊!
(照片取自本地新聞網)
南方人少有在雪中生活的經驗,基本上不懂得在雪地或結冰路面駕駛,故一下大雪整個地區就會變成死城。最慘是適逢聖誕節前的最後週末,原本應是商店及食肆全年最好生意的日子,但一場雪就令生意額下打降60-80%!
老公最怕購物多人,又喜歡向難度挑戰,於是我倆在星期六到商場走了一趟。變態的他多次把車駛上雪上,要示範冰面滑行!我除了說「好驚」外,只有抓緊扶手。他還恐嚇我要在停車場學習在滿佈積雪的地面駕駛!
今早他又起飛了,幸好芝加哥未受影響,但星期三晚回家那天芝加哥可能會下雪,希望他能順利回來過節吧!
另今天是結婚兩週年,無驚無險又兩年。










ivy 2009-12-23 12:52
花旗師9 2009-12-23 08:36
小雲 2009-12-22 17:21
Ceci082009-12-23 07:43
山蕃熊貓屋 2009-12-22 14:01
Ceci082009-12-23 07:42
Ta 姐 2009-12-22 13:55
你老公都好愛刺激喎!! 其實都好啱你性格, 太乖嘅男士, 你會覺得無趣味??
congratulations!!祝你地年年月月日日分分秒秒都咁恩愛呀!!
Ceci082009-12-23 07:42
糟糠 2009-12-22 10:37
兩週年點慶祝呀?
Ceci082009-12-23 07:38
咁凍唔揸得佢架車,對個引擎唔好架。北面啲車主全個冬天都係擺架車喺車房,基本上around華氏三十度已經唔建議用佢架車。不過嗰日用我架車已經跣死我,最變態佢鍾意剷上結冰路面,真係俾佢嚇死!
兩週年無任何慶祝呀!佢基本上唔記得咗!
佢依家呢個project好變態,晚晚凌晨一、兩點先放工,佢仲要超凍落雪半夜三更行20-30分鐘返酒店!!(有公司俾錢搭的士唔搭,個痴線佬佢話無機會運動喎!)
仲要飛來飛去,佢一返嚟我就要佢休息同瞓覺,我驚佢捱病呀。所以佢唔記得週年紀念我無嬲,咁大個人,佢返工咁辛苦,唔會為啲咁嘢嬲嘅。
可愛肥妹仔 2009-12-22 08:27
Ceci082009-12-23 07:25