想家

我對美國認識都算深，亦因為咁唔鍾意美國文化，我本身好liberal，比大部份美國人更liberal，唔想成日同人拗交，所以喺美國收身唔聚財。淨係容許市民有槍，我已經原則性地反對。好多大是大非嘅問題，我同主流諗法都唔同。其他人可能覺得無乜所謂，但我係一個喺呢方面較執著嘅人.... 所以，都幾唔高興。

而且我鍾意大城市有好多唔同嘅文化節目，我以前年年都係香港藝術節同電影節嘅觀眾，美國唔係無，但係可能要去到大城市啲質素至有國際水平。

總之，我唔係咁鍾意美國，如果可以揀，我一定返香港。

有時候，我都會好唔理性咁諗：老公，你就好啦，一家人同朋友都喺哂度，你唔會明我幾慘！但我又知道，佢有屋企人喺身邊唔係罪，嬲佢都無用。

如果解決到住宿問題，我可能都會返多啲同住耐啲。但上次經驗教訓，我一家唔會返爸媽屋企住，只會攪到我唔開心想早啲走，咁就無謂啦。

多謝探訪！

舊年9月返過一次喇，希望今年遲啲再返啦。

你幾時返去呀？你哋爸爸媽媽都喺香港，返去都好好，依家做香港人真係比做美國公民好好多。

我就難啲，始終老公唔係香港人，又唔識中文，要佢跟我搬返去實在太難適應。而且佢係獨仔，要佢離開屋企人亦唔係好公平。要返香港住，除非我自己一個返啦。

依家有咗小朋友，會唔會好啲，覺得美國係「家」多啲？

新生活唔係唔好，比起好多人，我知我已經好好。只不過對於我嚟講，我非常之享受我嘅舊生活。首先我好享受單身，喺香港又有自己喜歡嘅家，份工又OK，老細同事都好好。

最好係香港容許我又中又西，乜嘢選擇都有，其實我喺香港嘅生活仲西化。我唔怕悶，但我唔鍾意「感覺上」少咗自由，亦唔鍾意圍繞住周圍大部份喺無乜常識又自以為是嘅美國人。