生日願望

今日係我呢個有兩個小朋友既媽媽的生日哦,同TVB是同一日的呢,所以已經好多年冇留0係屋企睇台慶了,因為一定會出去食飯慶祝

不過今年囡囡出左世,冇得出去喇,湊住兩個BB出街實在太吃力了...呢幾日又咁凍,一陣凍親佢地仲得不償失, 所以呢, 今晚唯有0係屋企睇電視啦,呵呵~~

囡囡今日已經48日人仔喇,佢好鍚媽媽,夜晚冇扭計,一滿月就自己戒左夜奶,夜晚12點食完奶,就可以訓到第二朝7點,真係好好訓呢~~

呢排佢成日會講"un咕",我開頭以為我聽錯添,後來發現佢一沖完涼會特別喜歡講"un咕"架

笑得好開心呢,成日好想影佢笑既樣,但真係太難影到,佢笑得太"快"

湊住兩個,真係覺得時間好唔夠用呀...以前時刻陪住B仔玩,陪佢睇碟,陪佢睇書,陪佢玩玩具,但自從囡囡黎左之後,我就冇辦法再好似之前咁,有時陪住B仔睇睇下碟,妹妹又喊要食奶...有時見到我抱住妹妹,B仔會要我抱,我唯有將佢地一人坐我一邊大腿,然後仲要食埋早/午餐,做人阿媽,真係要無所不能至得=.=

最近,我個心成日覺得好內疚,有時見到B仔自己一個人坐0係度太悶太落寞了, 冇人同佢玩, 畢竟, B仔仲係一個需要人地照顧的小BABY, 雖然一個人帶兩個B落街好辛苦,但都希望每日都可以帶佢去公園玩一陣.

呢排,B仔好似瘦左好多咁,塊面尖晒,包包面不見了,一來佢高左大個左好多,二來又唔多肯食飯,食兩啖就唔食,真係令人氣餒呢...

我的兩個小寶貝,希望你地健康成長,係我最大既生日願望