新成員

2009年10月3日,中秋節下午, 我地呢家人新添了位新成員了, 肥妹仔準時0係預產期出左世, 重3.825kgs(約8.4磅).

3號早上8點幾, 我就上醫院準備催生喇,不過姑娘話今日好多人催生呀,暫時產房未有床位,要我0係出面等下先,結果等到9點半先開始入產房落催生水,到11點幾,我隔離房0個個孕婦生左,我覺得佢好犀利,全程都冇乜嗌過,好忍得痛,令我覺得自己都要勇敢D先得,如果可以,最好連止痛針都唔好打...

下午1點幾,子宮收縮次數愈來愈頻密,個肚愈來愈痛了,我狂聞笑氣,搞到個人勁wing,終於,等到醫生黎做檢查,佢話"你好叻呀,已經開到8度喇, 止痛針都慳返唔駛打啦", 我都真係覺得快到有點兒出乎意料.

仲有2度,亦都好快開晒,我已經忍唔住要開始用力"痾仔"了,助產士set好晒野, 即刻叫返BB爸爸入黎陪產,我用左2度力,B女既頭已經出左黎喇,助產士叫我趁有少少痛就出多少少力,以痾埋B女個身,但我等左一陣,都係唔覺痛,連少少痛都冇,我又唔想繼續拖落去,驚B女有危險,就深呼吸,然後用力痾埋B女個身, 冇幾耐就聽到B女的喊聲了,助產士將B女放0係我隔離,我轉過去望一望,做乜成個B女剛出世既樣咁既?!Oh, no, B女都係似爸爸的!

我係L08床位

聞緊笑氣...

肥妹仔出左黎喇,塊面勁多肉,真係名副其實的"月餅面"

產後第二日

好小的腳仔呢

返到屋企喇

塊面仲係脹卜卜