Oral B & 妹妹

好快咁,肥妹仔已經黎到呢個世界差唔多一個星期了呢!

B女返到屋企既第一晚,真係冇覺好訓,不過都預左既,初生BB嘛,一定會扭下計,自己剛訓落床,佢已經係度叫,好彩有阿媽黎幫手輪流湊下,先可以休息下. 不過第二晚,B女竟然冇醒過,一覺訓到6點幾先搵食,真係完全唔似初生BB,唔通幾日人仔已經自己戒夜奶??!之後幾晚,B女亦只係0係4點鐘左右醒左一次,食完奶奶就訓到8點,真係十分乖同抵鍚呢!

塊面依然漲卜卜

對眼仔依然仲好細,唔知幾時會變大D呢?

妹妹的睡姿...

比爸爸掃風(虐待)中

幾日人仔就識企喇?!

呢幾日,哥哥Oral B都0係佢爺爺家訓覺,只係日頭會返自己屋企"度假"一兩個鐘,所以我都好少見到佢,不過佢似乎都唔係好掛住我咁,真係傷心哪...

第一日見到妹妹,B仔好開心好好奇咁,猛咁指住妹妹講"咦咦咦""哈哈",到第二日見到妹妹,佢會伸手輕輕摸下妹妹既頭髮, 第三日,佢已經敢摸妹妹既面珠喇~ 有時真係驚佢粗粗魯魯,一巴打落個妹度,好彩,暫時黎講,B仔都算識得"憐香惜玉",呵呵~