網誌分類：*寫我心情* |
昨日空氣污染指數打破紀錄, 連我坐的位置亦都清楚見到毒霧連天, 雖然酷熱天氣警告已發出數天, 但我大部份時間都係身處室內~而且每晚我都會以雪糕降暑, 所以很少感受到酷熱的辛苦!
直到昨晚放工時候, 我一踏出室外, 就覺得渾身發滾, 焗到透不到氣~心想是不是自己病了, 因為從來未感受到如此感覺! 想著想著, 行到641巴士站想坐車到觀塘apm同ceci佢地食飯~~ 但見到架641居然飛站~我不想企在巴士站等, 所以便決定行去坐地鐵~
因為書展的關係, 成個灣仔區都是人流, 正是因為咁樣, 更為昨日的高溫生色不少~我相信當時的人流溫度一定有38度以上!! 而我工作既地方正正要經過人流最多的地方才能到達地鐵站~所以没有辦法也要死頂一直行!
我真的頗為佩服一群年青人, 好有精力地在高溫下逼成一片, 經過重重的難關, 先行到入去書展~入到去仲可能係得個"逼"字! 我自問就真係冇咁既耐力同耐性去等同排隊啦~~老啦真係~~~哈哈!!
