彭福一日遊

今次係第一次帶仔仔去跑草地呀，因為一路以黎都見地各地Blog帶自己既仔仔女女去玩，但自己就一次都未試過，真係有少少唔甘心嫁，不過多得麵包媽既召隻同帶領，我終於可以帶仔仔出省啦~~~

阿仔有街去其實係好開心既，不過我發現佢有少少怕坐車嫁，因為佢會暈車浪羅，所以佢會坐定定，兩點左右就黎到火炭火車站啦，既興奮又緊張喎，好擔心阿仔第一次去呢D郊外地方唔知佢會點，仔仔佢好乖仔，無亂咁自己周圍走左去，其實係因為佢細膽，成日驚人地唔要佢之嘛~~~

其實仔仔本身係好驚狗狗嫁，今日仔仔就算企埋佢地身邊同佢地影相，仲會肯去烘下其他狗狗，見到佢都已經無咁驚驚啦，真係好叻仔呀 (最重要係我都有機會同朋友仔細姐姐影下相呀) ~~~

跟住就交比仔仔去介紹下佢新相識既朋友仔啦~~~

仔仔：首先等我介紹下見到零食隻眼會發光既麵包啦，唔講唔知呀，原來佢同我一樣咁大，仲要係同年同月生嫁，所以已相約明年一齊攪生日會，不過老豆同媽媽咁無記性，希望佢地唔好唔記得啦~~~
　　　

仔仔：跟住由左面果位開始講起啦，佢都係白松黎嫁，都係叫仔仔喎，佢又係好嗲嫁，唔通反係白松又叫仔仔既，都係有超嗲呢個特質既~~~

仔仔：跟住係 Choco，我阿媽好鐘意佢呀，你見到佢攬到佢實一實就知啦，Choco又係好嗲人嫁，你睇佢笑得幾可愛呀，所以我都明白點解我阿媽咁鐘意佢嫁~~~

仔仔：下一個係練得一身好本領既飛少，只要 "泡" 起粒零食比佢，飛少就會飛起接住粒零食嫁，真係超好身手呀，果然不愧叫飛少呀~~~

仔仔：接落黎係聞名不如見面既大B哥哥呀，佢成日就係咁坐係同一個位，原封不動嫁，後黎細姐姐話比我知，原來大B哥哥有成十七磅嫁，真係難以置信呀，我阿媽好好奇咁去抱下佢，發現佢真係好重手嫁，不過佢就好好攬喎~~~

仔仔：最後果位係Heman啦，你千祈唔好睇佢咁大份，其實原來佢好輕嫁，媽媽話佢只係D毛太靚超鬆呀，仲好軟熟嫁，媽媽話我仲重過佢呀，所以要我減肥喎，其實我邊肥喎，只係圓潤少少之嘛~~~

仔仔：我差少少唔記得左介紹我既好朋友Ball Ball呀，話晒係佢細細個既時候我就已經識得佢嫁啦~~~
　　　　

仔仔：其實仲見到好多好多狗狗朋友，不過我都仲係驚驚無同佢地玩呀，遲D我一定識得同佢玩嫁~~~   　

仔仔：今日真係超開心呀，因為我終於可以跑草地啦~~~

仔仔：原來跑草地真係好舒服嫁，等我下次再叫媽媽帶我去先~~~

仔仔：其實我都幾可愛嫁，成日都會有D靚姐姐黎抱下我嫁~~~
            

仔仔：除左我有靚姐姐抱之外，我媽媽都唔執輸嫁，成日走去攬人地D狗狗，好彩我好大方既啫~~~

最後就黎張大合照啦~~~

哈哈，影完大合影今日既旅程就結束啦，跟住大家就話一齊去食Dinner啦，大家一齊去左沙田麗豪酒店度食飯呀~~~

雖然食物既質素唔錯，但好似略為份量少左D，其實可能係我大食既關係卦~~~

好攰好攰好攰呀，返到屋企，最早訓既係仔仔呀，我仲坐係梳化度睇緊電視既時候，仔仔已經自己走左返房，上埋床度訓覺覺啦，我去訓既時候佢已經係熟睡中啦，可見佢係幾攰呀~~~