荃灣行山編

咁大個女行山經驗真係好少，因為對於我黎講行山真係幾辛苦嫁，不過今日為左仔仔，一於死就死啦~~~

今日係我有史以黎係於假日最早起身既一日呀~~~

一早起身整左早餐比仔仔食，仲準備定少少雞肉比各小朋友做Lunch，不過就攪到我遲到羅，我又真係好鬼輪盡既，我約左麵包，細佬同埋萄撻十點鐘係荃灣度等，之後就一齊上左川龍度飲茶添~~~

起行啦，起行啦，我地會由荃灣川龍行到水塘引水道既一段路，仔仔超級興奮，仲好叻叻咁識得跟住大隊一齊行添~~~

途中仲八八卦卦咁顧住自己周圍走，不過對於仔仔黎講，又真係幾新鮮既~~~ \

仔仔有時自己行得開心得濟，真係連阿媽係邊都唔知呀，好彩佢都仲認得我把聲啫，仲會識得間唔中會返下黎執番我呢個阿媽~~~

仔仔：我行得好快嫁，麵包爸，你快D讓路比我啦~~~

麵包對於影相真係好敏感嫁，我一攞住相機，佢就識得望住我啦，如果加埋個笑容就非常好啦~~~

呢張就厲害羅，麵包係第一個坐定定果個呀，跟住就係細佬，仔仔同葡撻都係坐唔定嫁~~~

中途仲發生小插曲，就係麵包扭計要放繩呀，佢扭計個樣都好可愛嫁~~~

細佬媽攬實仔仔影相喎，兩個都笑得好開心呀，證明今次個個都玩得好開心啦~~~

小朋友認路都幾得嫁，我地每次行過個亭度都會坐坐影下相，入左兩個亭之後，去到第三同第四個亭，我地班大人都未行到，班小朋友已經自己走晒入去個亭度休息啦~~~

既然一場黎到，就影番張大合影先，不過要班小朋友坐定定比我影相都真係幾難嫁，因為仔仔太痴腳啦，想行開一步都唔得，所以當我退後影相，佢就即刻想起身走啦，所以好難得至影到呢兩張嫁~~~

麵包，你做咩檬左眼嫁~~~

仔仔做咩自己坐埋一邊呀~~~

影合照真係艱難呀，都係同你影番張單人照算啦~~~

見你笑得咁開心就真係咩煩腦都唔記得，連幾辛苦都唔記得啦~~~

行完之後我地一齊去左地鐵站負責果度食野，Mr Ho都終於起身落黎一齊食呀，仔仔見到Mr Ho就第一時間走埋去係咁錫錫喎，洗唔洗咁熱情呀，衰仔，又唔見你咁熱情錫我既~~~

食完野返到屋企大約四點幾左右啦，我同仔仔都太累啦，於是就一齊上床訓下先，我依希仲記得仔仔打直一條咁訓左係我隔離，個頭仲訓住我隻手添，不過訓左一陣佢就無再訓係我隻手度，但個身就仍然貼住我訓羅~~~

唔覺唔覺咁就過左一個咁開心既假期啦~~~