BBQ 大會呀

今日同左Poodle Ma以及其他十多個blog友帶埋自己既仔仔囡囡一齊去左金喜花園度BBQ呀~~~

仔仔好似知道我會帶佢去街街，一早起身就貼到我實一實呀~~~

不過好艱辛至去到，因為實在太遠太遠啦，我同仔仔坐左兩程小巴，一程的士至去到，足足坐左兩個鐘呀，最慘係仔仔係搭的士既時候，我放左佢係我大脾上面，仔仔係度作嘔作悶呀，仲訓左係我大脾度完全唔郁添，好明顯係暈車浪呀~~~

去到金喜花園之後，坐左一陣仔仔又開始活躍起來呀，不斷咁係我旁邊行黎行去，想我帶佢去玩喎~~~

齊人之後就先黎左張大合照呀：

跟住就係切蛋糕，今日唔係有人生日，而慶祝佢地既結婚週年紀念呀~~~
真恭喜晒呀：

今日玩得好開心呀，仔仔仲識左好多朋友仔添~~~

睇下第一行第二個朋友仔真係好似仔仔呀，不過好易分得開，原因係仔仔好驚死嫁，我行一步仔仔都會跟住行嫁，完全唔會離開我隻腳，大約就係咁既距離啦~~~

仔仔望住人地玩，自己又想玩，但又唔敢同人玩喎，咁我咪同左佢係草地到行下羅，跟住仲認識左Coffee Family添~~~

Coffee 真係好可愛嫁，不過佢鬧起人上黎都幾惡嫁，真係完全比佢個樣騙左呀，但係我地同佢玩既時候就好Nice，所以我都仲係覺得Coffee妹係好可愛嫁~~~

同仔仔行左一陣，突然仔仔居然唔跟住我喎，仲變左係我跟住佢添：

仔仔佢左望望：


右望望：


仲周圍聞下：


似乎搵到路喎：


原來佢番去我地個大本營度喎：


但原來佢最終既目的地係仔仔自己個袋羅：

仔仔呀，我地未走呀，我都未食胞，真係呀~~~

不過玩多一陣大家都好累啦，所以都開始收拾行裝，準備離開，而我同仔仔真係好多謝Coffee Family佢地載左我地去彩虹地鐵站，等我地可以直接搭一程車就可以返到屋企呀，所以我同仔仔真係好多謝Coffee Family呀~~~

今日玩到好累，好累，好累，除左累字之外，仲有開心，開心，開心羅~~~