愛死台灣+澳門

香港是福地，我十分認同。除此以外，台灣也是啊！食即是福嘛。

去過幾次台灣，發覺一次比一次更愛此地，舒適的空間，四周都是美味極點的美食，難怪見街上很多台灣人是胖胖的，而且比香港更瘋狂流行減肥瘦身，是正常不過的現象。

去台灣除左地道小食，如士林夜市等，推介必去有上閤屋，應該是人生一定要到的食肆。自助晚餐每位大約百五蚊左右，記住係百五蚊！入到去食咩呢？先來成米長的壽司枱，基本上你想食咩魚生、壽司都有；好再來是六個左右的食區，分為麵食+點心+翅煲、炸物、鐵板、小炒、甜品、炒反等等，真係數唔晒，雪糕分別有Haagen Dazs同Movenpick，唔係得兩款口味喎，而係各有4至6款，仲有任飲果汁、汽水、酒品及任食新鮮生果，呢個陣容再次講係百五蚊者，相信呢世都冇可能o係香港食到，味道仲要係好食、非常好食！不過記得要去台北旗艦店果間，即係近台北101果邊，多野食過其他分店。

講完台灣，澳門都是美食之城，因工作關係差不多食勻全澳的食肆，印象最深刻的，亦認為最好食的，是九成九的旅遊書從來沒有提及過的「新益美食」，因為地處偏僻，所以冇澳門人介紹下，基本唔會搵到果度。

新益的格局似足大排檔，主打葡式菜式，但還有很多精采的自創菜式，菜名還搞笑呢！例如椒鹽機械人，你估o係咩？其實係原隻田雞，因為大廚原隻炸，炸到d手腳「差」開晒，好似機械人咁款而命名。推介菜式有好多，基本上我有信心樣樣都好好食，一定叫就有咖喱牛爽肉(咖喱狂的我也讚絕！)、雞煲、風鱔等，曾推介過、帶過好多人去食，暫時未有一人向我投訴，只有稱讚，唔信自己試試。

地址︰澳門望廈新村(近旅遊學院、觀音堂、狗場方向)