深圳地鐵預迷暈黨

      我睇電視就睇得多,今次比我預到佢真係當黑,好彩就係及時知道無受害,但大家要小心,做好人都要睇時候,以下係我今次發生既經過請大家留意!!

      今日起床約左maggie 同jovy係深圳食午飯,大家都好耐無見了,傾左兩個幾鐘,之後我就自己一個人落老街地鐵站買飛返羅湖,深圳地鐵係一定要去售票機買票.我就係售賣機排隊買票,點知道係我前面有一個男人同我講佢唔識買票問我應該點買,我見佢手拿住一張好舊既十蚊紙,一張二十同一張一百蚊,咁我就同佢講我幫你啦.幫佢按完到入錢.但張十蚊紙太舊用唔到.佢就問我點.咁我本身令住張五蚊紙買票,我就按兩張比一張佢啦.佢就係咁同我講話唔好意思話要比返我.我就話唔洗啦!之後佢就一路講野,又問我現在依度安唔安全,又問我係唔係一個人來,又話外國人好有禮貌,又話香港人會排隊,初時我都無咩野,當同佢傾下計啦.佢話佢返香港.一個人好危險,最好三,四個人先來,跟住又話食飯,佢越講就越近,過左一個站,佢講講下我就發覺係佢口度有一種味道.我開始覺得唔舒服,我就身返直個身體,之後望落佢對腳,突然一閃,依個人好有問題,話係香港來現在返香港,但點解會著對黑色既白飯魚呢?!諗完個人就開始有D暈,同想嘔既感覺,知道出事了,我就第一時間企起身,剛好車埋羅湖站,我就第一時間行出去,之後佢跟住我計續係咁同我講野,我就再行快兩步,我回頭一望見佢本身想跑過來,見我回頭佢就收步.我出左閘之後,行上地面之前我再回頭望見佢無出閘,行返落地鐵站.

P.S  可能我個樣真係好笨,如果唔係又點會發生係我身上.好彩就係我身體突然有反應比我如果唔係,我真係唔知點算.