有感而發

近排好多人都同小弟講,話我冷漠左好多,冇左以前果種感性

其實我同意的,好多事唔 work就要變......

路不同不相為謀,唔想再花時間0既事同埋人,而家都完全唔想去再理

以前我好天真同傻,我會覺得真心同真意係可以感動一個人

even去識朋友仔都係一樣,不過真正了解自已0既又有幾多個?

問大家一個好簡單問題,你有煩惱你可唔可以o係你個電話 list入面搵倒人同你傾?

我相信係有,不過一個起二個止咁.....

有好多'朋友'都問過我點解唔搵番個女朋友,單身在年幾有多

連屋企人都開始俾壓力我

我會覺得自已係一個幾有要求0既人,我對女朋友0既定義可能其他人唔同

坦白講,我認為情人同女朋友係分開0既

情人即係 puppy love,浪漫而有外觀上0既相互吸引力,可以係 ONS

但女朋友就絕對唔係,係可以一齊分享生活,內在比外在緊要

人選一直都KEEP住有,不過我覺得係自已冇把握到機會

或者咁講,如果我要好似用情人咁方法去處理,我覺得已經 WORK

但我就選擇做番自已,我唔鐘意你咁做我一定會講,或者俾面色人睇

或者係咁佢地可能怕左我,又可能覺得我唔好.....etc

講左好多次,我係一個唔易相處0既人,所以搵唔倒都唔出奇

經歷過幾次教訓後,好多野都可以睇得好化

愛0既相反可以係恨,同樣愛0既相反亦可以係友情

希望大家都唔好睇到愛情依樣野咁重要

好似前兩日有個女仔俾架火車撞死,原來係為左個衰男人

Love, just a game only