網誌分類：未分類 |
今日係公司, 真係激氣加激氣.. 都唔明一個鬼佬老細點解會咁執著.
我條腰傷咗都成兩個星期, 其實係坐骨神經問題, 主要係坐唔到. 醫生叫我休息, 我只係可以係張床度瞓.. 搞到放唔到狗, 活動都去唔到..
由於我要休息, 所以都有個半星期返唔到工.. 呢個星期, 見好咗少少, 又好似放咗好耐假, 就夾硬返工. 點知, 都係坐唔得耐, 半個鐘多啲就開始痛.. 要企下.. 不過企又痛, 坐又痛.. 要去樓下長櫈度攤下先得.
點知, 個鬼佬老細見我企係度打電腦, 問候下都冇, 仲叫我搵幾本黃頁嚟整高部電腦, 企係度做!
我見個勢, 佢都係唔想我再放假架喇.. 硬著頭皮照返工啦.. 咁我都坐唔耐, 一個鐘到就要去攤下, 伸返直條腰.. 點知, 佢叫另一個老細同我講, 叫我唔好成日走咗去!
大佬呀.. 我真係坐得好辛苦架! 已經俾面你唔攞病假架喇.. 去伸下都唔得! 會唔會過份咗呢?!
我真係好想投訴佢.. 虐待員工呀!!
Stephanie 60分鐘前
你老細冇人性ka~
一句關心都無.
HGBA 2008-07-24 23:46
阿柴 & 恣悠2008-07-24 23:55
都唔係嘅.. 我之前果個真係好好架.. 俾我鬧都得架~
Sugar BB 2008-07-24 23:35
坐骨神經痛可大可小呀! 快d攪好佢啦, 唔係手尾長. 講開痛症, 我條頸都成日痛, 有時連頭都痛埋.....真慘! 都係工作用得電腦多, 姿態唔好, 又無休息所致. 保重!
阿柴 & 恣悠2008-07-24 23:54
多謝.. 你都要小心啲, 多啲休息, 得閒鬆下條頸啦~