三年又三年。。。 又如何？!

從前風聞有這個GROUSE GRIND，

一直以為是風光明媚，山明水秀的山徑所以吸引無數人像上癮一般經常到訪。

但他再吸引，對於患有斜坡恐懼症的我亦只能對他敬而遠之。

後來再經查問，終發現並非如我所幻想，

原來他是路又爛又窄又斜，又那泥baan又水tum，又污蹧，又險嶢

沿途更沒有風景，又沒有小橋流水，連可歇一歇的地方都沒有，只是齋行行行，

一d都唔fun實實在在堅過石堅o既hiking。 

但點解lee個世上仍會有咁多傻人去完再去囉苦黎辛，真的是匪夷所思？! 

多年以後，終於在兩星期前，不明為何我竟然也成了傻人做左如此傻事~

他並沒有我想像中難行或辛苦，但他絕對比我想像中更危險!

最後用了1個小時45分鐘征服了他。

最初頭1/4路最平梯級最闊但竟然是最艱苦的。

行到斷氣咁濟行極都重未到1/4個牌。

心裡只一直問是否應該早點放棄掉頭落返山，

因照情況推斷，根本不可能再行多3倍路程。到時stuck o係中間重死~

但當挨過1/4後，第2段竟然是話咁快行完，一個唔覺意就完成左一半路程。

但知道最"哽"o既第3段第4段重黎緊，而且基本上已經精力耗盡。

但去到lee個位，因為係無exit，無路可通去另一個地方，

行返轉頭路程是差不多，但落山可能重危機重難。

咁即係話只可繼續頂硬上行埋佢。別無他選!

沿路有d人會爬你頭，有時可能你會爬人地頭。

但可能一陣間又相遇o番。

但基本上，各人都係自己行自己路。要繼續定要放棄，要行快d定行晚d。

要停低要休息，又或要休幾耐都係自己既事。

其實無人會重有力有氣咁得閒理你。

純粹是自己同自己比賽而已。

而我一直行就一直覺得好似行緊一條天路。

路是難行，但總得要行，這就是人生，這就是神所定的。

雖然未見過終點是怎樣，但憑著信，知道一切都是值得。

到了山頂，看到這個境色，就好像終於回到主身旁，沾到祂的榮美。

回頭再看，感覺原來都不是那麼辛苦，就這樣便完成了~

現在3年過去了，行了一半，好似有個exit有個選擇去結束這個旅程。

但想結束似乎是因為有個exit，如果無的話，其實繼續行落去是可以的。

而如果能堅持到底，其實最好的就在不遠~

既然之前話咁快就做o左3年，相信之後一個唔覺意就完成晒整任年期~

但最後又有幾多人會一起行到終點呢。。。？