坐飛機

自從度蜜月o個次去過旅行之後都無坐過飛機(註: 老婆大人定義 - 唔坐飛機唔算去過旅行)，公事去台灣o個兩次唔算啦! 本來想去北海道，但係一來冇假(我公司好攪笑，跟勞工法例第一年得七日大假，請sick leave有醫生假紙都要扣20%日薪，我真係未打過d咁得意o既工)，二來老婆要"讀書識字"(五月又要考試)，再加上老婆公司做緊annual audit，你話得鬼閒去咩!

老婆，你乖乖地唔好病，俾心機讀書考試(記著係你叫我叫你俾心機o架)同做埋個audit(做好個"差人")，等五月之後我地坐飛機坐餐飽!好唔好?