登登登登 登登登登

登登登登 登登登登! 好多朋友都響舊年結左婚，其中幾位平生好友Gary、Raymond同David亦都不約而同起２００６年加入老襯行列，各方好友都非常高興。

今年都有幾對朋友準備結婚，咁男性朋友之間就引起一個話題『應該響乜野時候要考慮結婚呢?』。問題果然有趣。

個人見解
1.　女方29歲前(因為當下結婚要成年時間籌備，大家通常都希望3字之前”出閣”);
2.　男方有經濟基礎(最好事業有成)，有穩定收入及有份有前途o既工作;
3.　最少手上有一層樓(唔理你係”買”定係”供”，但係有時要大拿拿攞成30%最少6、70萬出o黎的確有d難度(如果借9成第日供起上o黎可能仲辛苦)，出o黎做左6、7年野就可能差唔多)同足夠結婚o既使費。 所以未咁多男士都係起30到35歲先結到婚o羅!

我覺得雙方要考慮係唔單只係上述外在條件，更應該諗清楚真係適合對方，如果唔係就咪鬼結喇!

最緊要記著，結婚唔係兩個人o既事，係兩個家庭甚至兩個家族o既事，萬事都唔好自己揸晒主意，要偵詢一下雙方家長o既意見呀! 共勉之