熱辣辣過中秋~~ ToT

星期日gei中秋節...我地梗係要返去麻麻度做節...

係30幾度gei日子, 我地做節果餐飯竟然係「打邊爐」...

真係挑戰人類極限!!!

不過, 我其實恨左好耐la, 只係樂樂爹爹唔同我去食!!

今次藍藍豬好合作, 開餐之前竟然肯乖乖咁瞓左覺,

等我可以安安樂樂咁食餐飽...到我食完佢先起身....yeah!!!

好在一早有預備定d豆腐同烏冬比藍藍豬起身食,

如果唔係一定扭到隔離村都聽到~~

食飽飽之後...我地再黎一次大挑戰...

30幾度到出室外...我地搵埋爺爺、麻麻一齊去左屯門市鎮公園睇花燈...

真係熱到「無朋友」~~~

見有幾日假期, 尋日就去左家姐到攞個波波池比藍藍豬,

佢果然係超鐘意...「咬d波」...哈

藍藍豬本來就好鐘意咬波...依家咁多波...真係開心死ar~~

個波波池大到可以坐埋mAmi或者樂樂爹爹去玩ga~~

不過呢個池太大...加上我地個廳已經放左兩架車...攪到無咩地方行

麻麻買比藍藍豬gei燈籠...開頭都會育拎住...過左一陣就放左落口la...唉

接贓中gei藍藍豬...佢手上果條螢光棒就係贓物...唔好報警拉我個仔ar~~

(其實係麻麻見隔離個師奶放晒係到...就借1支黎玩下啫...)