轉眼就9個月大啦~

時間過得真快!! 悅晴轉眼就9個月大啦~

悅晴現在已經坐得好好, 又成日搵嘢扶住企起身, 企得未算好穩陣, 不過佢就以為自己好得咁, 會愈走愈過...仲轉身睇電視呀.....真係睇少眼都唔得.....

你睇佢企得幾招積~

悅晴到今時今日都冇好正常咁爬.....即是, 佢係肚腩唔離地嘅, 不過當佢有目標要進發, 佢都去得幾快, 特別係轉彎, 好攪笑~  仲開始會爬去攪電視櫃D遊戲機, DVD機等等, 會發出點點神奇光芒的按鈕, 實在太吸引囉~

除咗玩, 當然唔少得食啦.....之前俾悅晴試食乳酪, HAHA...食到佢個樣好好笑, 悅晴可能心諗 : "爸爸媽媽做咩又玩我呀...."

另外, 就係訓練悅晴用手指仔, 俾D細細粒餅餅佢, 等佢拾來放入口....都有D難度, 不過做多幾次就有進步啦~

悅晴現在的模仿能力都好強, 所以响佢面前言行都要小心D....

有日, 有朋友到訪, 貪玩教悅晴扮可愛, V字手勢放面旁, 做咗好幾次, 悅晴就學佢做啦 !

做唔倒 V字手, 不過...你睇佢....."悅晴 vs. 可愛教主" !!