珠海度假村

上網見到個廣告-珠海度假村酒店 25 周年優惠，住宿一晚西班牙別墅，只需 $907 ( RMB800 )。呢間西班牙別墅樓高兩層，有客廳、飯廳、3 間客房、廚房及大露台。度假村內更有游泳池、保齡球場、網球場、划船和釣魚的湖、賽車及碰碰車設施。感覺幾低,於是捉人一齊去。

我地8號一大早就出發去上環搭船lu~九洲港同我地入住既珠海度假村非常近，搭專車大約3分鐘就去到啦~其實都算好好彩，4/8-5/8打緊風，6號全日落大雨,我地8號出發，都可以同陽光玩遊戲。

我地住珠海度假村，別墅唔係太新，但都算企理乾淨，度假村範圍好大，不過其他設施就比較殘舊~但整體都令人滿意

我們十二時到達珠海，我地去了酒店對面的酒家食飯，那裡有港式飲茶，六個人吃了二百多元，也算便宜。之後回酒店泛舟湖上踏下水上單車,跟住緊係去佢果個好靚既泳池游水啦!重焗桑拿添。

晚飯去左(冇米粥)度食飯,因為中午係果道見到漲爆萬梓良係果道出黎，所以夜探虛實睇下佢係咪好食，果然唔錯，食到個肚成個西瓜咁大先走;見咁飽,行路返酒店，經過度假村間機鋪，d朋友話要入去搵返童年回憶，我就同老婆玩 “手指指找錯處”,估唔到冇玩咁耐都咁勁，又或者係佢地d童年回憶太少，我兩個代幣都未用，佢地就話要返去先。返到酒店以為是日工作完畢，點知係四方城開始，唔理佢地自己走去訓。