聖誕禮物！

呢幾日忙到天昏地暗都係為咗做好呢星期我幫瑞士銀行 UBS deliver 嘅 Branding workshop 嗰份 presentation！唉！我做咗工廿幾年來都係第一次自己做 Powerpoint咋，所以乜都唔識，晚晚攪到零晨四五點！

因此都好幾天冇 update 過我個 Blog 𠻹！不過慶幸我有位超級友好，雖然佢自己都忙到嘔，但係仍喺工餘嘅時候幫我手做，如果唔係.... 我估我做多一個禮拜都做唔起呢！Hooray! 終於今晚砌起咗啦！感謝，感恩!

今晚嘅一個驚喜係收到第一份聖誕禮物，只係小小嘅兩盆聖誕花，但我真係好開心！因為我好喜愛聖誕節，亦未種過聖誕花，覺得好特別！拎到返屋企，難得連媽媽都話靚，仲俾我放喺飯廳嘅餐檯𠻹！不過我就擔心 Pinky 會當啲花係佢嘅點心食鬼晒囉！

今晚又 set up 咗我棵舊嘅聖誕樹，都好多年了，看似有啲凋謝嘅感覺，想買過一棵好啲嘅！好彩我仲搵返幾年前我去德國「聖誕村」同埋喺芬蘭「聖誕老人村」買返來嘅聖誕裝飾襯托吓，希望會靚啲啦！

www.lambertchan.com